Kumaha jadina lamun di Sumedang euweuh anu nyieun tahu….
Teu kabayang lamun Sumedang leupas tina kadaharan anu ngaranna tahu. Geus papada apal tahu mangrupakeun salasahiji kadaharan anu jadi andelan pikeun Sumedang. Kuayana tahu, Sumedang kakoncara ka mana-mana. Lamun ngobrolkeun tahu, pasti inget ka Sumedang. Kitu deui lamun ngobrolkeun Sumedang, pasti anu inget téh kana tahu. Teu anéh lamun tahu jadi salasahiji ikon (ciri/tanda) pikeun Sumedang. Sanajan di wewengkon séjén ogé aya anu osok nyieunan tahu, angger waé anu kakoncara mah tahu Sumedang.
Lamun ngaliwat ka Sumedang atawa ngadon ulin ka Sumedang, balikna tacan sampurna lamun henteu meuli heula tahu pikeun oléh-oléhna. Anu ngaliwat ka Sumedang henteu kudu susah néangan tukang jualan tahu. Sisi jalan utama di wewengkon Sumedang loba anu ngajualan tahu. Kari nyisi waé sakalian reureuh.
Kitu sotén lamun dina kaayaan normal. Nalika keur henteu normal mah pasti aya bédana. Contona waé ayeuna. Cenah néangan tahu di Sumedang téh kacida susahna. Henteu susah kumaha, nurutkeun inpo, cenah mah tukang nyieunan tahu di Sumedang téh eureun heula saheulaanan mah nyieunan tahuna. Salila tilu poé, mimiti ping salapan nepikeun ka ping dua welas Séptémber, tukang tahu henteu nyieun tahu. Alatanana mah bahan paranti nyieun tahuna mahal. Bener pisan, apanan nalika dolar naék nepikeun ka sawelas rébu leuwih, hahargaan barang anu asalna ti luar nagri bakal ngiluan nérékél naék. Kaasup kacang kedelé anu kalolobanana mah meunang meuli ti luar nagri, ngiluan nérékél naék. Naékna harga kacang kedelé anu nepikeun ka 10.000 sakilona ieu ngabeurat pisan pikeun tukang tahu. Arék kumaha ngajual tahuna? Naha arék ditaékeun hargana atawa ukuranana beuki leutik? Anu jadi kasalempangna mah sieun anu meuli tahu téh ngurangan.
Nya saheulaanan mah henteu nyieunan tahu heula. Susuganan pamaréntah bisa ngawaro kahayang tukang nyieunan tahu (jeung tukang nyieunan témpé) supaya harga kacang kedelé téh henteu mahal teuing. Arék kumaha waé carana, asal hargana ulah mahal teuing. Naha ku jalan ngalobaan meuli kacang kedelé ti luar nagri atawa masrahkeun tugas ngimporna ka Bulog deui, atawa ku jalan nyaliksik bisi aya anu ngaheureuykeun harga kedelé supaya nguntungkeun sawaréh jalma. Éta mah masrahkeun waé ka pamaréntah. Pameredihna mah ngan ukur hiji: hargana ulah mahal teuing.
Susuganan waé pamaréntah bisa gancang néangan jalan pikeun ngungkulan mas’alah harga kacang kedelé ieu. Supaya tahu henteu lila teuing leungitna ti Sumedang.
Sumedang kaleungitan tahu? Asa ku teungteuingeun….
(Gambar meunang nginjeum ti Wikipedia)
Pamarentah urang mah geus barudeg geleuh urang mah ka pemimpin urang jawa teh sakali2 presiden teh ti tatar sunda pasundan sugan weh atuh makmur lamun di pimpin ku urang pasundan mah,
LikeLike
Leuir (telat) pisan ‘respon’-na. Kedahna mah ‘cepat tanggap’…
LikeLike
Karunya pisan ka tukang tahu. Oge ka pecinta tahu Sumedang.
Kedah aya campur tangan pamarentah da ieu mah.
LikeLike
Nuju ngantosan ketak pamarentah dina mayunan pangaos kacang kedele anu awis.
Hoyong apal kumaha ketakna….
LikeLike
tahu mahal, komo di nunukan mah, 10rebu teh 5 biji.
LikeLike
Nunukan anu di Kalimantan sanes Kang?
LikeLike
muhun. abdi pan linggih didieu.(nunukan)
LikeLike
Geningan mani tebih….
Atos lami kitu Kang janten urang Nunukan?
LikeLike
5 taun.
LikeLike
Lumayan lami oge atuh nya….
LikeLike
muhun. tapi ieu bade mulang da. habis masa kerja.
LikeLike
Manawi teh bade janten urang ditu….
Bumen-bumen di ditu….
LikeLike
ah, panas didieu mah kang.
LikeLike
Panas pedah aya di caketeun basisir sanes? Atanapi wewengkonna di handap?
LikeLike
didieu mah taya musim, sapanjang taun panas sareng hujan sasarengan. kawas kabogoh. hehehe
LikeLike
Rame atuh sasarengan teras mah….
LikeLike
muhun
LikeLike