Real Madrid jadi Jawara Liga Champions 2017


Ahirna katohyan ogé kleub mana anu jadi jawara Lia Champions Éropah 2017. Sanggeus ngayakeun tatandang anu dilumangsungkeun janari tadi, kleub Real Madrid mucunghul salaku jawara anyar Liga Champions. Ieu kleub jadi jawara sanggeus bisa ngéléhkeun kleub Juventus kalawan gulna 4-1.

Real Madrid jadi jawara Liga Champions 2017 (poto: Republika)

Real Madrid anu saméméhna mangrupakeun kleub jawara Liga Champions 2016, bisa meunangkeun deui Liga Champions. Nurutkeun itungan, jawara ieu mangrupakeun anu kaduawelasna pikeun Real Madrid. Panglobana jadi jawara lamun dibandingkeun reujeung kleub séjénna. Salian ti éta, Real Madrid jadi hiji-hijina kleub anu bisa jadi jawara Liga Champions kalawan noron sanggeus robah wangunan tina Piala Champions jadi Liga Champions.

Pikeun kleub Juventus sorangan, éléhna dina undakan puncer Liga Champions ieu mangrupakeun kajadian anu katujuh kalina. Sanggeus saméméhna éléh ogé dina Liga Champions saperti taun 2003 jeung 2015.

Advertisements

Nobar Undakan Puncer Liga Champions 2017


Dina raraga mapag dilumangsungkeunana tatandang undakan puncer Liga Champions Éropah 2017, Juventus Club Indonesia Chapter Sumedang (JCI CS) gawé bareng jeung Pena Real Madrid de Indonesia Regional Sumedang (PRMI Regional Sumedang) baris ngayakeun lalajo bareng tatandang Liga Champions. Tatang undakan puncer Liga Champions anu nepungkeun kleub Juventus reujeung Real Madrid éta bisa dilalajoanan kalawan babarengan dina acara Nobar (Nongton Bareng) ieu.

Lalajo bareng tatandang undakan puncer Liga Champions 2017

Acara nobar ieu baris dilumangsungkeun di Gelanggang Olahraga (GOR) Tadjimalela Sumedang. Waktuna peuting ayeuna, malem Ahad kalawan dimimitian dina jam sapuluh peuting. Ieu acara bisa diiluan ku saha waé, bebas henteu diwawatesanan kudu anggahota JCI CS atawa PRMI Sumedang. Pikeun anu arék ngiluan kudu mayar béaya anu gedéna 20 rébu rupia kalawan baris meunangkeun produk ti pangdeudeul.

Ieu acara dirojong ku Super Soccer jeung Super Friends Sumedang kalawan galura tipi anu nyiarkeunana nyaéta beIn Sports.

Pikeun meunangkeun inpo leuwih mundel bisa ngontak Indra Gunawan di nomer 085624001027 atawa Hery di nomer 08112250311.

Juventus Diadu jeung Real Madrid di Undakan Puncer Liga Champions


Wanci janari leutik ayeuna, baris diayakeun tatandang undakan puncer Liga Champions Éropah. Heueuh, Liga Champions Éropah geus nincak kana undakan puncer deui. Dina ieu undakan baris nepungkeun dua kleub anu kakoncara di wewengkon Éropah nyaéta Juventus anu asalna ti nagri Itali. Ieu kleub bakal ngalawanan kleub anu asalna ti nagri Spanyol nyaéta Real Madrid. Ieu tatandang baris dilumangsungkeun di dayeuh Cardiff anu perenahna di nagri Wales, tegesna di Stadion Cardiff.

Juventus ngalawan Real Madrid di undakan puncer Liga Champions

Nilik kana dua kleub anu tatandang dina undakan puncer ieu, duanana mangrupakeun kleub jagona dina liga méngbal unggal nagrina séwang-séwangan. Kleub Juventus mangrupakeun jawara Liga Itali salila genep kali kalawan noron nepikeun ka taun ayeuna. Sedengkeun Real Madrid ogé jawara Liga Spanyol taun ayeuna kalawan ditambah salaku jawara Liga Champions taun kamari. Atuh, ieu tatandang téh disawang bakal lumangsung kalawan campuh. Duanana baris ngusahakeun pikeun ngéléhkeun lawanna pikeun meunangkeun gelar jawara Liga Champions.

Nilik kana sajarahna, dua kleub ieu mibanda hasil anu sarimbagan. Nurutkeun sajarahnya, dua kleub anu baris tatandang ieu geus diadu 18 kali. Tina kabéh éta tatandang, duanana mibanda jumlah meunang anu sarua nyaéta dalapan kali kalawan gedegna dua kali. Atuh tatandang ieu mangrupakeun tatandang anu ka-19.

Kleub mana anu baris meunang? Tunggu waé hasil tatandangna….

Real Madrid, AS Monaco, Juventus jeung Atletico Madrid Asup Undakan Semifinal Liga Champions Éropah


Ahirna mah kanyahoan opat kleub di Éropah anu asup kana undakan Semifinal Liga Champions 2017 taun ayeuna. Sanggeus ngayakeun dua kali tatandang dina undakan parapatfinal, tina dalapan kleub téh kari opat kleub anu maju kana undakan saterusna. Opat kleub kasebut nyaéta Real Madrid, AS Monaco, Juventus jeung Atletico Madrid.

Opat kleub éta bisa ngéléhkeun lawanna séwang-séwangan ku ngaliwatan dua kali tatandang, di tempatna sorangan jeung nyorog ka tempat lawanna. Real Madrid bisa asup kana undakan semifinal sanggeus bisa ngéléhkeun kleub asal nagri Jérman, nyaéta Bayern Muenchen kalawan gulna 6-3 tina hasil dua kali tatandang. Dina tatandang munggaran anu dilumangsungkeun di tempatna kleub Bayern Muenchen, Real Madrid bisa ngéléhkeun anu boga imah kalawan gulna 2-1. Terus dina tatandang kaduana anu dilumangsungkeun di dayeuh Madrid, Real Madrid ogé bisa ngéléhkeun Bayern kalawan gulna 4-2.

Tuluy kleub AS Monaco bisa asup kana undakan semifinal sanggeus ngéléhkeun kleub asal Jérman ogé, nyaéta Borussia Dortmund kalawan gulna 6-3 deui hasil tina dua kali tatandang. Tatandang munggaran anu dilumangsungkeun di kandang Dortmund, AS Monaco bisa ngéléhkeun anu boga imah 3-2. Jeung dina tatandang kaduna nalika dilumangsungkeun di kandang AS Monaco, ieu kleub meunang deui kalawan gulna 3-1.

Kleub katiluna nyaéta Juventus anu bisa ngéléhkeun kleub nyoncolang asal nagri Spanyol nyaéta Barcelona. Juventus bisa ngéléhkeun Barcelona kalawan gulna 3-0 hasil tina dua kali tatandang. Tatandang munggaran anu dilumangsungkeun di J Stadium, anu mangrupakeun kandangna Juventus, manéhna bisa ngéléhkeun Barcelona kalawan gulna 3-0. Dina tatandang kadua, taya anu meunang alias gedeg. Gulna 0-0.

Kleub kaopat nyaéta Atletico Madrid anu sadayeuh reujeung Real Madrid. Ieu kleub bisa asup kana undakan semifinal sanggeus bisa ngéléhkeun kleub asal nagri Inggris, Leicester City kalawan gul anu teu béda jauh, 2-1. Dina tatandang munggaran anu dilumangsungkeun di kandang Atletico Madrid, manéhna meunang 1-0. Terus tatandang kadua anu diayakeun di kandang Leicester City, dua kleub ieu taya anu meunang. 1-1.

Piala Liga Champions Eropah

Tah, dina undakan semifinal ieu tacan jelas saha ngalawan sahana mah. Kusabab kudu nungguan heula hasil ngundi pikeun undakan semifinal ieu. Undian bakal diayakeun di kantor puseur UEFA dina poé Jumaah ayeuna. Panasaran mana ngalawan manana? Tungguan waé hasil undianana….

Béntang Kameumeut Real Madrid Mawa Nagrina Asup Undakan Parapatfinal


Dua urang béntang lapangan kleub Real Madrid mawa nagrina séwang-séwangan pikeun asup kana undakan Parapatfinal Piala Éropa 2016. Dua tatandang anu dilumangsungkeun dina peuting tadi, dieusi ku sawatara béntang lapangan anu asalna ti kleub Real Madrid. Dua béntang anu pangnyongcolangna, ngeusi patandang anu meunang dina éta tatandang.

Tatandang antara Wales ngalawan Irlandia Kaler anu dimeunangkeun ku Wales
Tatandang antara Wales ngalawan Irlandia Kaler anu dimeunangkeun ku Wales

Tatandang munggaran dina undakan kadua nepungkeun tim Wales reujeung Irlandia Kalér. Dua patandang ieu mangrupakeun patandang anyar dina kajawaraan Piala Éropa, dina harti tacan pernah ngiluan atawa asup kana kajawaraan Piala Éropa saméméhna. Tim Wales anu diiluan ku béntang Real Madrid, Gareth Bale ahirna mah bisa ngéléhkeun Irlandia Kalér kalawan gul anu dicitakna ngan hiji. Gul pikeun ngaloloskeun Wales kana undakan saterusna dicitak ku pamaen Irlandia Kalér, Gareth McAuley anu méngkolkeun bal tina tajongan pamaén Wales ka gawangna sorangan.

Tatandang kadua nepungkeun tim Portugal ngalawan tim Kroasia. Tim Portugal diiluan ku béntang lapangan Real Madrid, Cristiano Ronaldo. Hasilna, Portugal bisa ngéléhkeun Kroasia kalawan gulna saruan, 1-0. Gulna dicitak ku Ricardo Quaresma anu ngasupkeun bal hasil téngtogan kiper Kroasia di hareupeun gawangna.

Tatandang antara Portugal jeung Kroasia
Tatandang antara Portugal jeung Kroasia

Tim Portugal teu bisa sagawayahna ngéléhkeun tim Kroasia. Dina waktu normal, taya gul anu bisa dicitak. Anu antukna diteruskeun kana babak tambahan. Babak tambahan ampir béak kakara gul bisa dicitak.

(Potret meunang nginjeum ti internet)

PRMI Regional Sumedang, Komunitas Pangrojong Real Madrid


PRMI Regional Sumedang atawa Peña Real Madrid de Indonesia Regional Sumedang mangrupakeun komunitas tempat kumpulna barudak anu mikaresep kana kleub méngbal asal nagri Spanyol, Real Madrid. Pikeun urang Sumedang anu mikaresep kana kleub Real Madrid taya salahna pikeun ngiluan asup kana ieu komunitas. Salian ti bisa ngalobaan batur anu mibanda pangaresep anu sarua, ogé bisa ngiluan kana sagala rupa kagiatan anu diayakeun ku ieu komunitas.

Anggahota komunitas ieu henteu diwatesan ku umur jeung jinis. Arék barudak ngora atawa anu geus kolot, bisa ngiluan iue komunitas. Pon kitu deui, arék lalaki atawa wanoja ogé bisa ngiluan. Hiji wungkul anu jadi saratna, nyaéta kudu anu mikaresep ka kleub Real Madrid.

Komunitas ieu biasana ngayakeun rupa-rupa kagiatan, diantarana waé nonton baréng nalika kleub Real Madrid tatandang. Ditambah ku kagiatan futsal babarengan reujeung kumpul babarengan sakabéh anggahota (kopdar).

Peña Real Madrid de Indonesia Regional Sumedang
Peña Real Madrid de Indonesia Regional Sumedang

Anu hayang meunang inpo leuwih jero bisa langsung datang ka base camp PRMI Regional Sumedang di jalan Cipada deukeuteun Gunung Kunci. Atawa ngaliwatan telepon di nomer 089687470513. Bisa igé ngaliwatan akun Twitter di @Madrid_IndoSMD.