AMD A10-4600M, Prosésor Pikeun Laptop Entragan Anyar ti AMD


Prosésor AMD A10-4600M bisa disebut mangrupakeun prosésor entragan anyar kaluaran AMD anu dumasar kana arsitéktur Trinity. Prosésor ieu miboga inti 4 siki (quad-core). Ieu prosésor dikaluarkeun kalawan resmi dina opat bulan kadua dina taun 2012. Prosésor ieu dikaluarkeun pikeun ngaganti prosésor APU (Accelerated Processing Unit) séri A saméméhna anu dumasar kana arsitéktur Llano. Prosésor séri A10-4600M mangrupakeun prosésor anu panggancangna dina entragan Trinity APU anu dijual di pasar. Unit paranti ngokolakeun data/program (processing unit) ieu dijieun dipabrik dina wangunan SOI 32nm, anu diwanguna ku hiji CPU anu miboga frekuensi anu gancangna 2,3 GHz (ieu frekuensi bisa digancangan nepikeun ka 3,2 GHz lamun ngagunakeun pasilitas Turbo Core) kalawan disambungkeun akan CPU Radeon HD 7660G disagédéngeun kadali memori dua jalur, dekoder jeung enkoder pidio katut northbridge.

Lamun ditengetan leuwih jerona mah, sabenerna inti CPU ieu dijieun dumasar kana arsitéktur Bulldozer anu disebut Piledriver. Sanajan dijualna kalawan disebut prosesor opat inti, sabenerna mah prosésor A10-4600M ukur miboga dua modul anu diwangun ku opat inti integer katut dua inti floating-point. Atuh, hasilna ieu prosésor sabenerna mah lain prosésor opat inti atawa (quad-core processor).

Gambaran inti prosesor AMD A10-4600M

Nalika dibandingkeun reujeung prosésor anu dijieun tina inti Bulldozer saméméhna, AMD geus ngaropéa cara gawé inti Trinity supaya miboga IPC (instructions per clock) leuwih hadé anu nyababkeun frékuensinna leuwih gancang. Sanajan kitu, lamun dibandingkeunana reujeung prosésor entragan Llano, cara gawé ngan ukur naék saeutik. Kamonésan Turbo Core 3.0 anu bisa ngagancangkeun cara gawé prosésor nalika migawé hiji pagawéan (single threaded), masih henteu bisa nyaruaan kana cara gawé Turbo Boost bogana Intel. Di luar éta, AMD geus ngasupkeun kamonésan séjénna saperti tambahan AVX (AVX extension) kaasup FMA jeung ngarojong enkripsi AES.
Umumna mah, prosésor A10-4600M miboga cara gawé leuwih gancang kurang leuwih 0 nepikeun ka 25% tibatan prosesor A8-3520M anu dumasar kana arsitéktur Llano. Komo deui lamun beungbeurat gawéna ngan ukur sarupa (single-threaded) kusabab kapinunjulan arsitéktur anyar reujeung kamampuhan Turbo Core anyar. Lamun dibandingkeun reujeung prosésor Intel Sandy Bridge Core i3-2310M, cara gawéna nya bisa disebutkeun sapantaran (tapi kudu nempo heula hasil uji éta dua prosésorna). Anu bisa jadi catetan, lamun ngan ukur dipaké pikeun ngetik, internétan, ngarobah pidio basajan atawa maén gim mah, prosésor A10-4600M masih kénéh bisa ngungkulan. Prosésor pidio Radeon HD 7660G anu cocog reujeung standar DirectX 11 anu diwangun ku 384 inti shader di jero chip Trinity, kalawan dibarung reujeung kamonésan Turbo Core, bakal miboga frékuensi antara 497 nepikeun ka 686 MHz (ieu frékuensi gumantung kana pangabutuh aplikasi anu dijalankeun). Rata-rata, cara gawé ieu prosesor pidio téh bisa disaruakeun reujeung Radeon HD 6650M anu misah, kalawan bisa disebutkeun leuwih gancnag tibatan prosésor pidio kaluaran Intel, HD Graphics 4000 anu aya di jero prosésor Ivy Bridge.

Ari ngeunaan pangabutuh kana listrikna, ieu prosésor mikabutuh listrik kurang leuwih 35 Watt TDP, ampir sarua reujeung prosésor kelas tengah Ivy Bridge inti ganda. Atuh, prosésor ieu cocog pikeun dipasang dina notbuk 14  inci atawa leuwih gedé. Kitu ceuk tulisan anu dikaluarkeun ku NotebookCheck.

(Gambar meunang nginjeum ti http://www.techradar.com/)

Milih Notbuk (Notebook) atawa Nétbuk (Netbook)?


Dina widang kompiuter anu bisa dibabawa ka mamana, sahanteuna aya dua pilihan: nétbuk jeung notbuk (léptop). Jadi dina meuli kompiuter éta sahanteuna aya dua pilihan. Kompiuter anu mana atuh anu kudu dibeuli nalika merlukeun kompiuter anu bisa dibabawa ka mamana? Dina milihna, biasana mah gumantung kana pangabutuh anu meulina.

Bedana notbuk jeung netbuk
  1. Ukuran jeung beuratna. Nétbuk mah leuwih hampang jeung gampang dibabawana. Kalolobaan nétbuk, miboga ukuran layar 10 inci katut kibor anu leuwih leutik. Beuratna henteu leuwih ti 4 pon atawa kira-kira 64 on. Sedengkeun ari notbuk, ukuranana rupa-rupa. Aya notbuk anu ukuranana 12 inci nepikeun ka 20 inci. Lamun pikeun kaperluan nongton pilem dina layar anu gedé, notbuk mangrupakeun pilihan anu alus. Sedengkeun lamun mikahayang anu leuwih gampang jeung hampang mamawana, nétbuk jadi pilihan.
  2. Ngaranjah loka/wéb. Nétbuk dijieun pikeun internétan. Nétbuk dibekelan paranti nyambung kana WiFi jeung internétan ngaliwatan kabel. Pon kitu deui notbuk, miboga kamonésan anu sarua. Anu ngabédakeunana téh kamampuhan dina mapayan loka/internét. Notbuk mah kamampuhanana leuwih alus tibatan nétbuk kusabab dirojong ku gedéna mémori anu ngaleuwihan nétbuk.
  3. Kaméra wéb (webcam). Kalolobaan nétbuk miboga webcam, mik, spiker. Pon kitu deui notbuk. Jadi lamun mikabutuh webcam pikeun ngobrol ngaliwatan internét, duanana bisa dipaké.
  4. Drive sidi/dipidi (CD/DVD). Lamun ngabutuhkeun dive CD/DVD ulah milih nétbuk, kusabab nétbuk mah euweuh anu miboga drive CD/DVD. Ampir kabéh notbuk dibarengan ku drive CD/DVD.
  5. Gedéna tempat nyimpen. Gedéna tempat neundeun (hardis) pikeun nétbuk paling gedé 160 GB, sedengkeun notbuk mah biasana kira-kira 500 GB atawa leuwih. Jadi lamun mikabutuh tempat neundeun anu gedé, alus kénéh milih notbuk tibatan nétbuk.
  6. Kamampuhan. Kabéhanana ogé pada satuju lamun kamampuhan notbuk leuwih alus tibatan nétbuk.
  7. Harga. Kalolobaan nétbuk dihargaan kurang ti 4 jutaan, sedengkeun notbuk hargana ti mimiti 4 jutaan. Jadi lamun miboga duit anu saeutik, leuwih hadé milih (meuli) nétbuk.
  8. Software. Kalolobaan nétbuk dibekelan Windows XP atawa Windows 7. Kalawan ditambahan ku kamampuhan pikeun ngetik tulisan: nulis surat, catetan leutik. Nétbuk mah teu bisa dipaké pikeun ngokolakeun pidio atawa grapik.
  9. Pikeun budak. Lamun milih kompiuter pikeun budak, nétbuk geus cukup. Ulah meuli kompiuter anu mahal-mahal teuing pikeun budak mah.
  10. Pikeun kolot. Lamun hayang bisa ngobrol leuwih deukeut reujeung kolot ngaliwatan internét, bisa maké nétbuk. Teu kudu milih notbuk.
  11. Dina milih nétbuk, taliti heula umur batréna. Umur makéna batré bisa rupa-rupa. Umur makéna batré anu panglilana dina sakali ngecas, aya anu nepikeun ka 10 jam.

(Dicutat kalawan diropéa ti http://www.ehow.com/, gambar meunang nginjeum ti http://affineontech.com/)