Masang Linux dina Kompiuter Lenovo G450


Geus usumna pikeun nyobaan langsung maké Linux. Sanajan henteu bisa leupas tina Windows, sahanteuna lamun Linux-na aya mah bisa sakali-kali nyobaan éta Linux. Lamun perlu nyoba Linux, kari asup kana jero Linux. Lamun perlu nanaon anu aya dina Windows kari asup kana Windows. Kusabab kitu, dina hiji kompiuter téh (kudu) bisa diteundeunan dua sistem: Windows jeung Linux. Da cenah duanana bisa cicing babarengan dina hiji tempat sanajan henteu bisa jalan bareng. (Bisa ketang jalan bareng ogé ngan masangna maké mesin implengan Virtual).

Dina sistem operasi Windows mah taya pilihan anu mararodel. Tinggal milih anu pangahirna atawa pangalusna (Windows 7). Ngan dina palebah milih sistem operasi Linux mah henteu gampang. Loba piliheun dina Linux mah. Piliheunana lain hiji dua tapi loba. Pilihan utamana ngeunaan anu nyebarkeunana atawa distro-na. Loba distro Linux anu sumebar, diantarana waé Debian, Red Hat, Slackware, jeung anu séjénna. Katambah deui tina masing-masing distro téh miboga rundayan masing-masing. Tina Debian ogé mucunghul Knoppix, Ubuntu, Zen Linux, Dreamlinux, jeung réa-réa deui. Pokona mah loba pilihan dina Linux mah.

Kompiuter Lenovo G450

Lobana pilihan téh bisa nyababkeun bingung kudu milih anu mana. Kudu masang Linux anu mana dina kompiuter téh? Linux anu kumaha anu cocog reujeung kahayang. Nya ahirna mah nyobaan waé sababaraha hiji distro Linux anu bisa disebutkeun loba anu makéna. Diantara anu pernah dicoba dipasang téh: Fedora, openSuse, Ubuntu, Sabayon, Mandriva, LinuxMint. Tina anu pernah dicoba, aya sababarah rundayan distro anu bisa dipasang. Kabeneran kompiuterna sigana mah henteu cocog reujeung Linux kaluaran anyar, jadi waktu dipasang Linux anu anyar téh kompiuterna siga anu cicing. Anu bisa dipasang téh Linux anu kaluarna tiheula saperti openSuse 11.3, Ubuntu 10.04, LinuxMint 9, Sabayon 5, jeung Fedora Core 13. Tina éta rundayan distro anu bener-bener bisa dipasang téh ngan openSuse 11.3, Ubuntu 10.04 katut LinuxMint 9. Masang Sabayon mah kalahka jadi masalah kana MBR kompiuterna, sedengkeun Fedora 13 mah henteu labas nepi ka tungtung (pugag di tengah jalan).

Ngan ukur catetan, spésipikasi kompiuter anu dipakéna: Lenovo G450, Prosesor Intel Core 2 Duo T6600, RAM 2GB, Chipset Intel G45PM, Layar 14 inci 1366×768.

Linux Live USB Creator (LiLi), Salasahiji Pakakas Paranti Ngasupkeun Sistem Operasi Linux kana Plesdis


Linux Live (Lili) USB Creator mangrupakeun pakakas anu alus pisan anu bisa dipake pikeun masang rupa-rupa Sistem Operasi Linux kana Plesdis USB. Anu hasilna, bisa nyieun Plesdis USB anu bisa ngamimitian ngajalakeun kompiuter (booting). Pakakas anu dijieun ku alpukahna Thibaut Lauzière ieu, mimitina mah dipikawanoh salaku uSbuntu Live Creator, anu bisa dipake pikeun ngasupkeun Linux kana Plesdis USB tina wangunan imej (Image), ISO atawa sidi (CD). Bisa oge dipake pikeu ngundeur heula IMG atawa ISO-na. Salian ti eta, Lili USB Creator ieu bisa oge pikeun masang Portable VirtualBox dina plesdis. Kusabab kitu, engkena bisa milih naha masang Linux ti jero Windows ngagunakeun VirtualBox anu aya dina plesdis atawa ngajalankeun Linux langsung tina plesdis USB.

Diantara kamonesan Lili USB Creator ieu, nyaeta:

  1. Haratis jeung Open-source. LinuxLive USB Creator bener-bener haratis teu kudu dibayar. Wangunanana basajan jeung gampang digunakeun ku saha wae.
  2. Henteu merlukeun mareman heula kompiuter. Kusabab ayana VirtualBox, bisa ngajalankeun Linux bari henteu kudu mareuman heula kompiuter.
  3. Ngarojong rupa-rupa Linux anu aya. Ampir sakabeh Linux anu aya bisa diasupkeun kana plesdis ngaliwatan pakakas ieu, saperti Ubuntu, Fedora, Debian, OpenSUSE, Mint, Slax, CentOS, ArchLinux, Gentoo, PCLinuxOS, Sabayon, BackTrack, Puppy Linux.
  4. Tetep tumetep (persistence). Sanajan plesdis geus dipasangan Linux, tapi plesdis masih keneh bisa dipake pikeun neundeun data atawa masang program. Ngan kamonesan ieu acan diterapkeun dina sakabek Linux.
  5. SmartClean & SmartDownload. Pakakas ieu bisa mumus kalawan beresih Linux anu diasupkeun kana plesdis. Ditambah oge ku pangabisa pikeun ngundeur Linux anu didukung ku pakakas ieu bari ngan ukur dua kali klik.
Pintonan jandela Linux Live USB Creator

Pikeun anu merlukeun ieu pakakas (program) bisa ngundeur di alamat http://www.linuxliveusb.com/en/download.

Ngeunaan Aksara Sunda


Geus sababaraha taun katukang mikawanoh aksara Sunda. Éta ogé kétang pédah waé meuli buku Aksara Sunda anu jilidna warna beureum. Harita mah kacida hayangna lamun dina maké kompiuter téh bisa ngagunakeun Aksara Sunda. Nya sahanteuna waktu ngetik dina program Microsoft Word. Harita miboga kahayang nyieun aksara kujalan ngarobah salasahiji jinis aksara (font) anu aya dina Windows, terus nalika nulis ngagunakeun Microsoft Word milih aksara anu geus meunang ngarobah téa. Ngan kahayang ngan ukur kahayang, teu nepikeun ka jadi kanyataan.

Ayeuna-ayeuna, sawatara inpo ti internét geus nerekab ngeunaan ayana Aksara Sunda anu bisa dipaké dina kompiuter. Naha arék dina Windows atawa Linux. Aksara Sunda geus asup kana standar Unicode. Kusabab kitu Aksara Sunda geus diaku jadi standar pikeun nulis maké kompiuter hususna pikeun urang Sunda.

Urang Sunda anu mikaresep kana Aksara Sunda, anu jadi salasahiji bagéan tina Budaya Sunda, kudu ngarasa bungah yén Aksara Sunda geus diaku jeung geus jadi standar pikeun digunakeun dina ngokolakeun inpo atawa data. Dina nulis maké kompiuter, atawa neundeun data dina kompiuter reujeung silih-tukeuran data antara papada urang, bisa maké kompiuter bari teu kudu sieun susah pikeun ngarobahna reujeung ngokolakeunana deui. Asal dina kompiuter anu dipakéna geus diteundeunan Aksara Sunda, bisa digunakeun pikeun nulis maké Aksara Sunda.

Kampung Ciburuan ngagunakeun Aksara Sunda

Pikeun anu hayang miboga kompiuter anu bisa dipaké nulis Aksara Sunda, kudu ngundeur heula Aksara Sunda. Ngundeurna bisa ti alamat ieu. Sanggeus diundeur terus asupkeun éta payil meunang ngundeur kana map C:/Windows/FONTS.

Saméméh Nyieun Program dina Web


Dina nyieun program anu rupana web, diperlukeun pakakas dina rupa pangladén web (web server). Pangladén web ieu téh mangrupakeun kompiuter anu diteundeunan program pangladén web (web server), anu gunana pikeun ngokolakeun data katut pidangan (lambaran web) ancoeun anu dipénta ku anu keur nyungsi lambaran web dina panyungsi internét. Biasana mah pangladén web téh diwangun ku kompiuter anu alus (canggih) jeung husus anu disebutna kompiuter server.

Ngan lamun pikeun ngawangun atawa nyieun program web mah bisa maké kompiuter biasa (desktop atawa léptop) anu diteundeunan program pangladén web. Jadi dina nyieun program web-na mah teu kudu maké kompiuter server sacara langsung. Kompiuter anu biasa dipaké pikeun nyungsi internét ogé bisa diteundeunan program pangladén web, terus diakses ku kompiuter éta. Hal ieu téh supaya gampang dina ngarobah program anu keur diwangunna. Salian ti éta, ogé gancang diaksésna dina panyungsi internét (kusabab program web jeung panyungsi internétna ngahiji dina hiji kompiuter). Lamun nyieun program webna geus réngsé, kakara program web anu dijieun dipindahkeun ka pangladén web anu nyata atawa anu bener.

Logo XAMPP

Supaya kompiuter anu biasa dipaké bisa digunakeun jadi pangladén web, éta kompiuter téh kudu diteundeunan atawa dipasang program pangladén web. Program pangladén web anu remen dipaké nyaéta Apache atawa IIS. Ngan anu bakal dicaritakeun jeung dipaké di dieu mah Apache wungkul. Apache dipilih kusabab Apache mah bisa diteundeun atawa dipasang dina Windows jeung dina Linux. Supaya gampang masangna, aya gémbolan program anu ngasupkeun Apache kana éta gémbolan ditambah ku program anu narjamahkeun script PHP katut databésna (MySQL) nyaéta XAMPP (pikeun dina Windows) atawa LAMPP (pikeun dipasang dina Linux).
Pikeun masang XAMPP atawa LAMPP, undeur heula programna tina loka ApacheFriends. Sanggeus diundeur, terus dipasang dina kompiuter anu arék dijadikeun pangladén web.

Fedora LiveUSB Creator, Pakakas Pikeun Ngasupkeun Sistem Operasi kana Plésdis


Ieu program atawa pakakas bisa dipaké pikeun nyieun plésdis (flashdisk) paranti masang sistem operasi kompiuter (booting tina plésdis). Ngaliwatan program ieu plésdis bisa dipormat kalawan diasupan program sistem operasi anu baris dipasang kana kompiuter. Jadi masang sistem operasi kompiuter teu kudu maké sidi (CD) atawa dipidi (DVD) deui.

Layar jandela Fedora LiveUSB Creator

Sanajan ngaranna ieu program téh Fedora, anu hartina kaluaran atawa miboga pasipatan husus pikeun Fedora, tapi sabenerna mah lain ngan ukur pikeun Fedora wungkul. Sistem operasi anu bisa diasupkeun kana plésdis téh lain ngan ukur sistem operasi Fedora wungkul, tapi bisa ogé Linux séjénna kayaning Ubuntu, Mandriva, LinuxMint, jeung anu séjénna. Malahan mah bisa ogé dipaké pikeun ngasupkeun sistem operasi séjénna kayaning Windows asal payilna diteundeun dina pormat iso.

Aya sababaraha kapinunjulan program ieu, diantarana:

  1. Program ieu bisa dijalankeun dina Windows atawa Linux pikeun ngasupkeun sistem operasina kana plésdis.
  2. Terus ogé, dina ngasupkeun sistem operasi kana jero plésdisna teu kudu mupus data atawa ngapormat data anu aya dina plsédis. Pon kitu deui teu kudu nyieun partisi dina plésdisna.
  3. Lamun hayang ngasupkeun Linux anu jinisna Fedora bisa ngundeur kalawan otomatis. Tinggal milih persi anu hayang diasupkeun kana plésdisna.
  4. Bisa nyieun tempat neundeun anu matuh (persistent storage creation).
  5. Ditarjamahkeun ka rupa-rupa Basa.

Pikeun anu merlukeun ieu program, bisa ngundeur ti loka fedora.

Masang Linux openSUSE 12.1 Ngaliwatan Plésdis USB


Maksud téh hayang nyobaan masang Linux dina kompiuter. Ngan carana maké plésdis (flashdisk) USB lain maké sidi (CD) atawa dipidi (DVD). Linuxna hayang nyobaan maké openSUSE. Da maké Ubuntu jeung Fedora mah geus sababaraha kali nyobaan kitu-kitu kénéh. Hayang apal Linux openSUSE téh kumaha….

Ngasupkeun payil ISO kana plésdisna maké program liveusb-creator-3.10.0, da maké SARDU mah geningan teu bisa ngasupkeun Linux openSUSE. Dina prak-prakanana, geningan gagal ngasupkeunana. Kusabab gagal, dicobaan maké unetbootin. Maké program ieu mah bisa (henteu gagal ngasupkeun Linux openSUSE kana plésdis). Dicobaan masang Linux maké plésdis meunang nyieun maké unetbootin téa. Ngan, geningan teu bisaeun ogé pikeun masang Linux openSUSE maké plésdis téh.

Kumaha atuh carana supaya bisa masang Linux openSUSE ngaliwatan plésdis?

Nyobaan waé tatanya ka google. Ahirna mah dituduhkeun kana loka openSUSE anu magunemkeun ngeunaan carana masang openSUSE maké plésdis. Cenah kudu maké SUSE Studio ImageWriter. Nyobaan waé diundeur terus dijalankeun. Susuganan waé atuh bisa. Sanggeus dicoba, ahirna mah bisa ogé.

SUSE Studio ImageWriter

Nyieun plésdis paranti masang Linux openSUSE maké SUSE Studio ImageWriter mah gampang, tinggal ngundeur programna ti dieu, terus jalankeun program meunang ngundeurna. Tina jandéla anu nyampak, asupkeun tempat neundeun payil ISO Linux openSUSE-na katut tempat plésdis anu arék dieusian ku Linux openSUSEna. Terus teken waé kenop Copy. Tungguan nepikeun ka réngséna. Sanggeus réngsé, kari ngagunakeun. Ngan plésdisna moal bisa kabaca ku Windows. Lamun hayang bisa dipaké ku Windows, kudu dipormat (format) deui plésdisna.

Catetan, program SUSE Studio ImageWriter ngan ukur bisa dipaké pikeun openSUSE persi 11.3 ka luhur.

Bagaimana Memilih Kartu Video


Komputer pribadi yang ada saat ini tidak dapat dipisahkan dari yang namanya komponen kartu video atau kartu VGA. selain fungsinya sebagai perantara antara CPU dengan monitor, komponen kartu video telah berkembang sebagai komponen pengolahan data, khususnya data visual atau grafik. Dan dengan berkembangnya dunia game komputer pribadi (PC), kartu video sangat menentukan kualitas dari sebuah komputer, di samping komponen lainnya. Jika dibandingkan fungsinya dengan fungsi kartu video terdahulu, maka ada perubahan fungsi dari kartu video ini.

Di pasaran, beredar berbagai macam merk dan jenis kartu video, dengan berbagai level kinerja dan peruntukannya. Ada kartu video yang khusus untuk kalangan bawah (low end) yang fungsinya terbatas, ada juga untuk kalangan menengah (mainstream) dan kalangan atas atau pencandu game (enthusiast) dengan kinerja yang menakjubkan. Sehingga dalam memilih kartu video harus memperhatikan berbagai hal, mulai dari kinerja yang diinginkan sampai dengan wujud kartu videonya.

Kartu video (Sumber foto: http://www.sapphiretech.com//images/product/gallery/0344/344_20100430_6949.jpg)

Dalam memilih (membeli) kartu video, ada beberapa hal yang harus diperhatikan sebelumnya. Hal-hal yang perlu diperhatikan adalah:

  1. Jenis slot ekspansi yang digunakan pada motherboard
  2. Jenis output video yang dibutuhkan sesuai dengan monitor yang digunakan
  3. Generasi kartu video yang dibutuhkan
  4. Kompatibilitas dengan Sistem Operasi (Windows atau Linux, atau sistem operasi yang digunakan lainnya)
  5. Besaran memori grafik (RAM Video) yang dibutuhkan
  6. Pastikan ukuran kartu video sesuai dengan casing komputer yang digunakan
  7. Akankah menjalankan beberapa kartu video berpasangan (tandem)
  8. Keseuaian dengan komponen lainnya dalam komputer
  9. Kesesuian dengan dana yang tersediakan