Undakan Méngbal Parapatfinal Liga Champion Éropah


Tatandang méngbal Liga Champion Éropah geus nincak kana undakan parapatfinal deui. Anu hartina manjing kana ieu undakan, patandang anu ngiluanana kari dalapan kleub deui anu marebutkeun tikét kana undakan saterusna, undakan semifinal. Dalapan kleub anu asup kana undakan parapatfinal téh nyaéta Bayern Muenchen, Real Madrid, Barcelona, Dortmund, Atletico Madrid, Leicester, Juventus jeung Monaco.

parapatfinal-lc-2017
Tatandang undakan parapatfinal Liga Champion 2017

Pikeun nangtukeun tatandang dina ieu undakan geus dilakukan undian anu dipimaksud nangtukeun kleub mana ngalawan kleub mana. Hasilna, tatandang dina undakan parapatfinal téh nepungkeun Atletico Madrid reujeung Leicester, Dortmund ngalawan Monaco, Bayern Muenchen papanggih jeung Real Madrid katut Juventus ngalawan Barcelona. Kleub anu disebutkeun tiheula jadi anu boga hajat dina tatandang munggaran, terus nyorog dina tatandang kadua. Sakumaha tatandang saméméhna, tatandang dina ieu undakan ogé dilumangsungkeun dua kali, di tempatna di di tempat lawanna.

Tatandang kahiji dilumangsungkeun dina ping 11 jeung 12 April, sedengkeun tatandang kaduana diayakeun dina ping 18 jeung 19 April 2017.

(Gambar meunang nginjeum ti UEFA.com)

Advertisements

Wilujeng Milangkala Persib Bandung ka-84


milangkala-ka-84
Wilujeng Milangkala Persib Bandung ka-84 taun 2017

Patalimarga Sumedang – Cirebon Kapegat ku Jalan nu Titeundeut


Pikeun anu arék lumampah ngagunakeun kandaraan ngaliwatan Désa Bugel Kacamatan Tomo, boh ti béh kulonna atawa ti béh wétanna, alusna mah mending kénéh pindah jalan ka jalur alternatif atawa jalan tol Cikampék – Palimanan. Utamana kandaraan anu gilindingna loba, kayaning mobil, ulah maksakeun ngaliwat ka jalan anu nepungkeun Sumedang – Majalengka éta. Sababna, kaayaan jalan ieu di lelewek Dusun Cireki aya bagéan jalan nu neundeut ka handap. Teu kagok, neundeutna nepikeun ka saméter leuwih kalawan panjang jalan anu neundeutna nepikeun ka 75 méter.

jalan-samemeh-titeundeut
Jalan samemeh titeundeut (Google Street View)

Cenah mah, jalan titeundeut ieu kulantaran kaayaan taneuh sabudeureunana anu teu weweg. Dirojong ku hujan anu ngageyer ka ieu wewengkon. Anu antukna taneuh di sahandapeun ieu jalan ngagulusur ka handap.

jalan-satutasna-titeundeut
Jalan anu titeundeut (potret: pesbuk Ganies Prihartono)

Ieu kajadian mimitina mah dina peuting tadi, kira-kira wanci sareureuh budak. Mimitina anu neundeutna téh ngan ukur sapuluh méteran kalawan jerona satengah méteran. Poé tadi, isuk-isuk jalan anu titeundeut téh ngajeroan jeung manjangan nepikeun ka saméter leuwih jerona katut 75 méter panjangna.

jalan-titeundeut
Perenahna jalan anu titeundeut (gambar: Google Maps)

Kuayana ieu kajadian, jalan teu bisa diliwatan ku kandaraan utamana mobil. Motor mah masih bisa sésélékét, da anu titeundeutna geus mimiti disaeuran ku keusik jeung batu. Mobil anu arék ngaliwat ka ieu jalan, dipindahkeun ka jalan tol Cipali atawa bisa ngaliwatan jalan alternatif Cikamurang – Conggéang atawa ngaliwatan Jatigedé.

(Warta meunang nyutat ti sawatara inpo, foto/gambar: internet jeung pesbuk)

Mapag Milangkala Sumedang ka-437 Taun 2017


mapag-milangkala-439-sumedang
Mapag milangkala Sumedang anu ka-439 taun 2017

Néangan Wewengkon di Sumedang Ngagunakeun Google Maps


Ngaprak saban wewengkon anu aya di alam dunya teu kudu ripuh deui. Majuna jaman ayeuna, ngarojong pisan pikeun nedunan kana pangabutuh. Komo deui mahabuna parabot téhnologi kayaning komputer jeung parabot keupeul, beuki ngagampangkeun dina ngahontal kahayang.

google-maps-jingkang
Nyungsi lelewek di Sumedang ngagunakeun Google Maps

Ngeunaan ngaprak saban wewengkon, heuseusna di Kabupatén Sumedang teu kudu susah deui. Di mandala maya geus disadiakeun parabot pikeun ngajajah wewengkon bari teu kudu aprak-aprakan ka mamana. Pikeun mikanyaho lelewek anu aya di Sumedang, pon kitu deui wewengkon séjénna bisa ngagunakeun Google Maps anu disadiakeun ku Google. Ieu parabot kacida alusna pikeun anu hayang apal kana unggal lelewek heuseusna di Sumedang.

Google Maps mangrupakeun loka anu nyadiakeun peta jeung potrét dunya ngagunakeun satelit. Unggal lelewek anu aya di dunya geus di éta loka, tinggal ngajugjugan ngaliwatan loka Google Maps. Lamun hayang langsung muru ka hiji tempat, bisa langsung ngetik ngaran anu dituju dina kotak paranti néangan. Lamun éta tempat geus aya ngaranan, anu nyungsi loka Google Maps bakal langsung dibawa ka éta tempat anu dituju.

Sahanteuna lamun néangan désa jeung kacamatan anu aya di Sumedang, geus aya datana. Kari ngetik ngaran désa atawa kacamatanana, bakal diasongkeun pintonan peta jeung potret satelit éta lelewek désa atawa kacamatan.

Ngalawan PBR, Pérsib Meunang Tilu Gul


Ahirna, Pérsib Bandung bisa meunangkeun tatandang ngalawanan Pelita Bandung Raya (PBR). Dina ieu tatandang, Pérsib Bandung bisa nyitak tilu gul bari teu bisa dibales ku PBR. Tilu gul Pérsib Bandung dicitak ku Atep Rizal dina menit ka-47 sanggeus meunang operan ti M. Ridwan. Gul kadua dicitak ku Makan Konate dina menit ka-73 anu ngahéden bal tina kornol.

Ari gul panungtunganana dicitak ku M. Taufik dina menit ka-84. M. Taufik sorangan maén ngagantikeun Atep Rizal dina menit ka-79. Pikeun PBR sorangan, lain henteu meunang kasempetan pikeun ngagulkeun. Kasempetan anu nyampak mah lumayan loba. Ngan hanjakal euweuh hiji-hiji acan anu bisa dijadikeun gul.

Persib Bandung ngelehkeun Pelita Bandung Raya 3-0
Persib Bandung ngelehkeun Pelita Bandung Raya 3-0

Ku meunangna dina ieu tatandang, Pérsib Bandung nempatan jawara kahiji dina klasemén Liga QNB pikeun sawatara waktu. Hasil tina dua kali tatandang téh Pérsib bisa ngumpulkeun poin genep.

(Potret meunang nginjeum ti Galamedianews)

Deklarasi Budaya “Napak Tatar Nusantara kasundaan ti Dayeuh Bandung”


Deklarasi Budaya “Napak Tatar Nusantara kasundaan ti Dayeuh Bandung”.