Tim Cristiano Ronaldo Ngéléhkeun Tim Gareth Bale


Tatandang undakan semifinal kahiji Piala Éropa 2016 nepungkeun tim Portugal reujeung tim Wales. Ieu tatandang dilumangsungkeun di Stadion Parc Olympique Lyonnais dina poé Kemis kamari. Hasilna, Portugal bisa ngéléhkeun Wales anu nyababkeun Portugal asup kana undakan puncer Piala Éropa 2016.

Dina ieu tatandang, dua patandang diiluan ku dua urang bentang lapangan méngbal asal kleub Real Madrid. Tim Portugal diiluan ku Cristiano Ronaldo, sedengkeun tim Wales diiluan ku Gareth Bale.

Dina babak kahiji, dua patandang teu langsung ngayakeun serangan ka gawang lawanna. Remenna mah nungguan lawan cileureun atawa ngalakukeun kasalahan pikeun narajang balik. Anu antukna, teu loba kasempetan anu alus pikeun ngagulkeun bal. Babak kahiji ditutup kalayan taya gul anu bisa dicitak.

Tatandang antara Portugal ngalawan Wales
Tatandang antara Portugal ngalawan Wales

Nincak babak kadua, kakara tatandang téh leuwih campuh. Béntang tim Portugal ahirna mah bisa nyitak gul ka gawang Wales dina menit ka-50. Manéhna bisa nyitak gul ku jalan ngahéden bal ka gawang Wales sanggeus narima operan ti Raphael Guerreiro. Tina gul ieu, méngbalna leuwih campuh deui. Malahan Portugal bisa nambahan gulna tilu menit satutasna gul kahiji. Gul kadua dicitak ku Luis Nani sanggeus méngkolkeun bal tajongan Cristiano Ronaldo ka gawang Wales.

Tinggaleun dua gul, Wales teu cicingeun. Méngbalna dirobah ku jalan ngaganti tilu urang pamaénna kalawan noron. Hanjakal waé panarajang pamaén Wales ka gawang Portugal teu bisa nebus gawang Portugal. Komo deui anu diandelkeun téh ngan ukur béntangna Gareth Bale anu gampang kabacana ku pamaén tukang Portugal.

Nepikeun ka waktuna béak, gulna teu robah. 2-0 pikeun kapinunjulan tim Portugal. Atuh, tim Portugal langsung asup kana undakan puncer Piala Éropa 2016.

(Potret meunang nginjeum ti Aktual Post)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s