Wales Nangtang Portugal dina Undakan Semifinal


Tim Wales, salasahiji patandang dina undakan kadua Piala Éropa 2016 ngalengkepan jatah tim anu asup kana undakan semifinal éta kajawaraan. Ieu hal jadi nyata sanggeus dina tatandang undakan parapatfinal kadua, Wales ngéléhkeun lawanna nyaéta tim Bélgia. Wales ngéléhkeun Bélgia kalawan gulna 3-1.

Sanajan Wales bisa ngéléhkeun Bélgia, dina tatandang anu dilumangsungkeun di Stade Pierre Mauroy dayeuh Lille ieu Wales remen kadéséh ku panarajang pamaén Bélgia. Mimiti maén, pamaén Bélgia langsung narajang ka gawang tim Wales. Sababaraha kali kasempetan pikeun ngagulkeun bal dipibanda ku Bélgia, hanjakal teu bisa dijadikeun gul. Kakara dina menit ka-13, pamaén Bélgia bisa nyitak gul ka gawang Wales. Gul Bélgia dicitak ku pamaén tengahna, Radja Nainggolan. Ieu pamaén najong bal ti luareun kotak pinalti kalawan tarik anu teu bisa ditahan ku kiper Wales.

Tatandang antara Wales ngalawan Belgia anu dimeunangkeun ku Wales
Tatandang antara Wales ngalawan Belgia anu dimeunangkeun ku Wales

Gul ieu kakara bisa dibales ku Wales dina menit ka-31 ngaliwatan gul anu dicitak ku pamaén tukangnya, Ashley Williams. Manéhna bisa nyitak gul ngaliwatan hédenan sanggeus narima operan tina tajongan juru anu ditajong ku Aaron Ramsey. Babak kahiji béak, kaayan teu robah.

Nincak babak kadua, Bélgia ngaganti pamaénna supaya leuwih rongkah deui panarajangna. Hanjakal lain ngagulkeun anu bisa dipilampah ku pamaén Bélgia, tapi kalahka kagulan. Dina menit ka-55, Wales bisa nambahan gulna ngaliwatan pamaén hareupna, Hal Robson-Kanu anu bisa ngaliwatan tilu urang bék Bélgia dina kotak pinalti. Saméméh waktu méngbal béak, Wales bisa nambahan deui gulna sasiki ngaliwatan pamaén gaganti, Sam Vokes dina menit ka-85. 3-1 nepikeun ka waktuna béak angger teu robah.

Wales asup kana undakan semifinal anu bakal nangtang Portugal.

(Potret meunang nginjeum ti Bola.net)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s