Adu Pinalti, Portugal Asup Semifinal Piala Éropa 2016


Tatandang munggaran dina undakan semifinal Piala Éropa 2016, nepungkeun patandang tim Portugal ngalawanan tim Polandia. Du patandang anu bisa disebutkeun anu dieusi ku dua urang pamaén hareup anu alus di kleubna séwang-séwangan. Portugal dieusi ku Cristiano Ronaldo, striker tim Real Madrid, sedengkeun Polandia dieusi ku Robert Lewandowski, pamaén hareup kleub Bayern Muenchen.

Kakara ogé dua menit méngbalna, béntang lapangan Polandia, Robert Lewandowski bisa nyitak gul munggaran dina ieu tatandang dina menit kadua. 1-0 pikeun Polandia. Sedengkeun béntang Portugal, Cristiano Ronaldo susah pikeun leupas tina hahalang pamaén tukang Polandia. Antukna, sakumaha tatandang saméméhna, Cristiano Ronaldo teu bisa ngaluarkeun sakabéh pangabisana dina nyitak gul ka gawang lawan.

Tatandang antara Portugal ngalawan Polandia dina undakan parapatfinal Piala Eropa 2016
Tatandang antara Portugal ngalawan Polandia dina undakan parapatfinal Piala Eropa 2016

Kakara dina menit ka-33, tim Portugal bisa males gulna. Pamaén tengah Portugal, Renato Sanchez bisa ngagulkeun bal ka gawang Polandia. Kaayaan gedeg teu robah nepikeun ka béakna waktu babak kahiji.

Babak kaduana, pamaen dua patandang silih serang ka gawang lawanna séwang-séwangan. Hanjakal sawatara kasempetan anu dipibanda ku dua tim teu bisa dijadikeun gul. Gedeg mungkas tatandang dina waktu normal.

Tatandang diteruskeun kana waktu tambahan 2 x 15 menit. Sanajan dina waktu tambahan ieu kasempetan mah loba, angger waé teu bisa dirubah jadi gul. Nepikeun ka waktu tambahan béak, angger gulna gedeg, 1-1. Antukna mah disambung ku babak adu pinalti.

Béntang kadua patandang, najong pinalti tiheula anu asup ka gawang. Cristiano Ronaldo najong munggaran anu disusul ku Robert Lewandowski. Saterusna anu najong téh Sanchez, Milik, Moutinho, Kamil Glik jeung Luis Nani. Panajong pinalti kaopat ti Polandia, Blaszczykowski teu asup balna kusabab balna katepak ku kiper Portugal. Atuh Polandia tinggaleun sagul. Panajong panungtungan ti Portugal, Quaresma asup tajonganana anu nyababkeun adu pinanti dieureunkeun kusabab moal bisa kasusul ku Polandia. Ahirna, Portugal asup ka undakan semifinal sanggeus ngéléhkeun Polandia 5-3 ngaliwatan adu pinalti.

(Potret meunang nginjeum ti Netnaija)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s