Jawara Éropa Kamari jeung Inggris Éléh


Dua tatandang undakan kadua anu panungtungan nepungkeun opat patandang. Tatandang kahiji nepungkeun tim Itali ngalawan Spanyol. Tatandang kadua nepungkeun tim Inggris reujeung Islandia.

Dua patandang anu patepung dina tatandang kahiji mangrupakeun jawara Éropa. Itali pernah jadi jawara Éropa dina mangsana baheula taun 1968 anu dilumangsungkeun di nagrina. Sedengkeun Spanyol mangrupakeun jawara Piala Éropa tilu kali taun 1964 jeung 2008 ditambah 2012 kamari. Teu anéh lamun loba anu nyawang dina tatandang ieu bakal campuh katut aya anu nyebutkeun yén ieu tatandang téh mangrupakeun tatandang final anu miheulaan.

Tatandang tim Itali ngalawan tim Spanyol
Tatandang tim Itali ngalawan tim Spanyol

Hasilna, tatandang ieu dimeunangkeun ku tim Itali. Itali bisa ngasupkeun dua gul kalawan teu bisa dibales. Dua gul tim Italia dicitak ku pamaén tukang Giorgio Chiellini dina menit ka-33. Bal bisa diasupkeun ku ieu pamaén hasil operan ti Emanuelle Giaccherini anu najong bal hasil téngtogan ti kiper Spanyol. Gul kaduana dicitak ku pamaén hareup Graziano Pelle dina menit panungtungan (menit ka-91). Gul kadua ieu dicitak ngaliwatan panajang balik ngaliwatan Matteo Darmian anu ngoper bal ka kareup anu diudag ku Graziano Pelle.

Jalanna ieu tatandang, kawilang campuh. Ngamimitian tatandang dina babak kahiji pamaén Itali langsung narajang ka bagéan lapangan Spanyol. Spanyol remen kaleungitan bal jeung susah pikeun narajang balik. Kakara dina babak kadua, pamaén Spanyol mimiti ngawasa bal di lapang.

Tatandang kadua nepungkeun tim Inggris reujeung tim anu kakara nincak Piala Eropa, Islandia. Hasilna, di luar sawangan ti anggalna. Tim Inggris anu leuwih diunggulkeun bisa diéléhkeun ku Islandia. Gulna, 2-1 pikeun Islandia.

Tatandang tim Inggris ngalawan tim Islandia
Tatandang tim Inggris ngalawan tim Islandia

Dina ieu tatandang, sabenerna mah tim Inggris punjul tiheula sanggeus pamaén hareupna, Wayne Rooney bisa nyitak gul dina menit kalima. Ieu gul dicitak ngaliwatan tajongan pinalti. Hanjakal kapinunjulan Inggris ieu teu kuat lila. Samenit ti harita, bisa langsung dibales ngaliwatan Ragna Sigurdsson. Islandia lain ngan ukur bisa males tapi bisa ngaleuwihan gul Inggris. Dina menit ka-18 Kolbeinn Sigthorsson nyitak gul panambah ka gawang Inggris. Nepikeun ka béak waktu tatandang, taya deui gul anu bisa dicitak.

(Potret meunang nginjeum ti internet)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s