Tatandang Munggaran Undakan Kadua, Polandia Meunang


Dina tatandang munggaran undakan kadua anu ngagunakeun sistem gugur, nepungkeun dua patandang anu asalna jawara kadua Grup A jeung jawara kadua Grup B, nyaéta tim Swiss ngalawan tim Polandia. Tatandang ieu nepungkeun dua patandang anu dieusi ku sawatara pamaén anu ngiluan liga Jérman. Duanana mibanda kamampuhan anu sarimbagan, sanajan hasil dina undakan kahijina rada béda saeutik.

Teu anéh lamun dina prakna tatandang, dua tim taya anu meunang alias gedeg. Tungtungna, pikeun nangtukeun saha anu meunang kudu ngaliwatan adu pinalti. Adu pinalti dilaksanakeun sanggeus duanana ngan ukur bisa nyitak gul hiji sewang dina waktu normal. Pon kitu deui, sanggeus ngaliwatan babak tambahan, taya deui gul anu bisa dicitak.

Pamaen Polandia kacida bungahna sanggeus ngelehkeun Swiss
Pamaen Polandia kacida bungahna sanggeus ngelehkeun Swiss

Dina babak kahiji, Polandia punjul leuwih tiheula sanggeus bisa nyitak gul dina menit ka-39 ngaliwatan Jakub Blaszczykowski. Manéhna bisa najong bal anu asup ka gawang Swiss sanggeus narima operan ti Kamil Grosicki. Hanjakal ieu gul téh bisa dibales ku Swiss dina babak kadua. Gul balesan Swiss dicitak ku Xherdan Shaqiri dina menit ka-82. Gul anu dicitak ku Xherdan Shaqiri kawilang alus kusabab nyitak gulna ku tajongan balik bandung.

Nincak kana babak tambahan, taya deui gul anu bisa dicitak. Anu antukna diteruskeun kana babak adu pinalti. Dina adu pinalti ieu ahirna Polandia bisa ngéléhkeun Swiss kalawan gulna 5-4. Ieu bisa kahontal sanggeus tajongan pamaén Swiss anu najong kadua teu bisa asup ka gawang Polandia. Tajongan anu dicokot ku Granit Xhaha tarik teuing anu antukna teu asup ka gawang.

Pikeun Polandia, ku meunangna ngalawan Swiss dina undakan kadua ieu, jadi hiji sajarah. Salila ilubiung kana Piala Éropa kakara ayeuna bisa asup kana undakan parapatfinal. Dina undakan parapatfinal, Polandia kudu ngaladénan tim Portugal anu ngéléhkeun tim Kroasia.

(Potret meunang nginjeum ti Bola.net)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s