Tatandang Grup F, Portugal Ditahan Islandia, Hungaria Ngéléhkeun Austria


Pindah ka Grup F Piala Éropa 2016. Tatandang munggaran grup ieu nepungkeun tim Hungaria jeung Austria. Ieu tatandang dilumangsungkeun di Stadion Matmut Atlantique dayeuh Bordeaux dina poé Salasa mangkukna. Hasilna, tim Hungaria anu kakara bisa ngiluan deui kana Piala Éropa sanggeus ngiluan dina taun 1972, bisa ngéléhkeun lawanna. Hungaria meunang kalawan gulna 2-0. Gul tim Hungaria dicitak ku Adam Szalai dina menit ka-62 jeung Zoltan Stieber dina menit ka-87.

Tatandang antara Hungaria ngalawan Austria
Tatandang antara Hungaria ngalawan Austria

Dina ieu tatandang, dua patandang mibanda kamampuhan anu sarimbagan utama dina babak kahiji. Duanana silih serang ka gawang musuhna séwang-séwangan. Hanjakal salila babak kahiji taya gul anu bisa dicitak. Gul kakara mucunghul dina babak kadua anu dimeunangkeun ku Hungaria. Gul nambahan deui sanggeus tim Austria kudu diiluan ku sapuluh urang kusabab pamaén tukang Austria, Aleksandar Dragovic katibanan dua kartu konéng.

Tatandang kaduana nepungkeun tim Portugal ngalawan Islandia. Ieu tatandang dilumangsungkeun di Stadion Geoffroy-Guichard, Saint-Etienne dina poé Rebo. Hasilna, Portugal di luar sangkaan ditahan gedeg ku Islandia anu mangrupakeun tim anyar di Piala Éropa.

Dina ieu tatandang, tim Islandia ngagunakeun stratégi bertahan anu nyababkeun panarajang pamaén Portugal teu bisa nebus kalawan teu ngahasilkeun. Salila ieu tatandang, tim Portugal sabenerna mah ngawasa jalanna tatandang. Bal leuwih loba dikawasa ku pamaén Portugal. Hanjakal susah pikeun dijadikeun gul.

Gul kakara bisa dicitak dina menit ka-31 ngaliwatan pamaén hareup Portugal, Luis Nani. Manehna najong bal ka gawang Islandia hasil operan ti Andre Gomes. Satutasna, taya deui gul anu bisa dicitak ku Portugal. Malahan dina babak kaduana, Portugal kudu kagulan. Dina menit ka-55 gawang Portugal kagulan ku pamaén tengah Islandia, Birkir Bjarnason. Hasil gedeg teu robah nepikeun ka réngséna tatandang.

(Potret meunang nginjeum ti Kompas)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s