Tatandang Grup É, Ngan Ukur Italia nu Meunang


Nincak ka Grup É anu dieusi ku tim Italia, Bélgia, Swédia katut Républik Irlandia. Tatandang munggaran dina grup ieu nepungkeun tim Italia jeung Bélgia. Dina tatandang anu diiluan ku sawatara pamaén anu aralus maénna, boh ti tim Italia boh ti tim Bélgia.

Dina ieu tatandang, Italia anu cenah mah arék nyokot jalan nyerang, bét maké stratégi bertahan. Pikeun nyitak gulna, tim Italia ngagunakeun cara balik narajang kalawan gancang. Kusabab ngagunakeun stratégi bertahan, panarajang pamaén Bélgia mental waé teu bisa nembus ka gawang Italia.

Pamaén tim Italia sakali-kali narajang balik ka gawang Bélgia. Dina sakalina narajang balik, bisa langsung ngagulkeun. Dina menit ka-32, pamaén tukang Italia, Leonardo Bonucci najong bal satarikna ti tengah lapang ka hareup. Tajongan bal ieu ditarima ku Emanuele Giaccherini anu langsung ngasupkeun bal ka gawang Bélgia. 1-0 pikeun Italia.

Sawatara kasempetan anu dipibanda ku pamaén Bélgia, bolay jadi gul kusabab kaparigelan kiper Italia, Gianluigi Buffon. Saméméh waktu normal béak, tim Italia bisa nyitak gul deui ngaliwatan pamaén Graziano Pelle anu narima bal operan ti Antonio Candreva. 2-0 pikeun Italia.

Tatandang antara Swedia ngalawan Republik Irlandia
Tatandang antara Swedia ngalawan Republik Irlandia

Tatandang kaduana nepungkeun tim Swédia jeung Républik Irlandia. Tatandang ieu dilumangsungkeun di Stade de France, Saint-Denis. Hasilna, ngan ukur bisa gedeg, 1-1. Gul munggaran dicitak ku tim Républik Irlandia anu dicitak ku Wes Hoolahan dina menit ka-48. Gul balesan Swédia dicitak ku gul Ciaran Clark ka gawang sorangan dina menit ka-71.

Dina ieu tatandang, duanana teu bisa nyitak gul dina babak kahijina. Sanajan kasempetan pikeun ngagulkeun mah loba, tapi taya anu bisa dijadikeun gul. Gul bisa dicitak dina babak kaduana.

(Potret meunang nginjeum ti Kompas)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s