Tatandang Grup C, Jérman jeung Polandia Ngéléhkeun Lawanna


Nyambung ka Grup C anu dieusi ku Jérman, Polandia, Ukraina jeung Irlandia Kalér. Opat patandang éta geus ngalumangsungkeun dua tatandang dina poé Senén mangkukna. Hasilna, tim anu jadi pinunjul di ieu Grup bisa ngéléhkeun musuhna séwang-séwangan.

Tatandang anu kahiji, nepungkeun Jérman reujeung Ukraina. Ieu tatandang dilumangsungkeun di Stade Pierre Mauroy dayeuh Lille. Hasilna, Jérman bisa ngagulkeun dua siki bari teu bisa diwales ku Ukraina. Gul munggaran tim Jérman dicitak ku hédenan Shkodron Mustafi dina menit ka-19. Ieu gul bisa dicitak sanggeus meunang operan silang ti Toni Kroos anu najong bal tina tajongan bébas.

Babak kahiji dipungkas ku gul ngan sasiki. Gul kadua kakara bisa dicitak dina waktu panungtungan ku pamaén gaganti, Bastian Schweinsteiger anu asup ngagantikeun Martio Goetze dina menit ka-90. Gul dicitak dina menit ka-92.

Tatandang Jerman ngalawan Ukraina
Tatandang Jerman ngalawan Ukraina

Dina tatandang kadua, nepungkeun tim Polandia jeung Irlandia Kalér. Tatandang ieu dilumangsungkeun di Stadion Allianz Riviera. Hasilna, Polandia bisa ngungkulan panarajang pamaén Irlandia Kalér kalawan nyitak hiji gul. Pikeun Polandia sorangan, tatandang ieu mangrupakeun tatandang munggaran anu bisa dimeunangkeun ku Polandia. Da saméméhna mah, salila ngiluan undakan final Piala Éropa tacan pernah ngalaman meunang. Ngan éléh jeung éléh waé dina méngbalna téh.

Gul tim Polandia dicitak ku pamaén hareupna, nyaéta Arkadiusz Milik dina menit ka-51. Salila babak kahiji mah taya kasempetan anu bisa dipaké pikeun nyitak gul, boh ku pamaén Polandia atawa pamaén Irlandia Kalér. Hal ieu disababkeun pamaén Irlandia Kalér mah maénna téh embungan nyerang, ngadon caricing waé di daerah tukang lapang méngbalna.

Tina hasil ieu, Jérman jeung Polandia mingping klasemén Grup C Piala Éropa 2016.

(Potret meunang nginjeum ti The Guardian)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s