Tatandang di Grup B, Wales Meunang Sedengkeun Inggris Gedeg


Sawatara waktu katukang, tatandang dina Grup B kajawaraan Piala Éropa 2016 geus lumangsung. Opat patandang pangeusi éta grup geus ngalakonan tatandang munggaranana séwang-séwangan. Hasilna, hiji tatandang bisa dimeunangkeun ku salasahiji patandangna, anu hiji deui mah gedeg (imbang).

Tatandang kahiji nepungkeun tim Inggris reujeung tim Rusia. Tatandang anu dilumangsungkeun di Stadion Velodrome ieu hasil panungtunganana nyaéta 1-1. Sanajan dina ieu tatandang, pamaén tim Inggris bisa ngawasa lumangsungna tatandang, tapi kakara bisa ngagulkeun dina menit ka-73 ngaliwatan tajongan bébas anu dicokot ku Eric Dier. Nepikeun ka waktu normalna béak, gulna teu nambahan alias angger 1-0 pikeun Inggris. Hanjakal dina mangsa tambahan waktu, Rusia bisa males gul Inggris ngaliwatan hédenan Vasiliy Berezutsky. Atuh, anu geus arék meunang téh teu jadi meunangna.

Tatandang antara Wales ngalawan Slowakia anu dimeunangkeun ku Wales
Tatandang antara Wales ngalawan Slowakia anu dimeunangkeun ku Wales

Tatandang kaduana nepungkeun tim Wales ngalawan Slowakia. Tatandang ieu dilumangsungkeun di Stadion Matmut-Atlantique. Hasilna, tatandang ieu dimeunangkeun ku Wales 2-1. Pamaén béntang Wales, Gareth Bale mintonkeun kaparigelanana dina nyitak gul ka gawang Slowakia. Dina menit ka-10, pamaén pangmahalna ieu nyitak gul ngaliwatan tajongan bébas. Babak kahiji ngan kacipta hiji gul.

Kusabab pamaén Slowakia teu bisa ngagulkeun dina menit ka-70 palatih Slowakia ngaganti dua pamaénna. Hal ieu kabuktian aya alusna. Kakara ogé tilu menit nincak lapang méngbal, Ondrej Duda anu ngagantikeun Patrik Hrosovsky nyitak gul pikeun nyaruakeun kaayaan, 1-1. Sanggeus bisa nyaruakeun gul mah, pamaén Slowakia leuwih campuh narajang sisi lapang Wales. Hanjakal taya deui gul anu kacipta. Pamaén Wales ngan ukur bisa nahan parajang pamaén Slowakia bari sakali-kali narajang balik.

Panarajang balik pamaén Wales ahirna mah jadi jalan pikeun nyitak gul. Pamaén anu kakara asup, Hal Robson-Kane bisa nyitak gul pikeun ngungkulan tim Slowakia. Nepikeun waktu tatandangna lekasan, gul 2-1 teu robah.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s