Tatandang Munggaran Piala Éropa 2016, Perancis Ngéléhkeun Rumania


Salian ti salaku anu boga hajat, tim Perancis ogé kabagéan pikeun muka Piala Éropa 2016 ngaliwatan jadi patandang anu munggaran. Kabeneran tim Perancis ngeusi Grup A dina Piala Éropa 2016 ieu. Dina tatandang munggaran, tim Perancis kudu ngalayanan tim Rumania.

Tatandang munggaran ieu dilumangsungkeun di Stade de France, dayeuh Paris dina poé Jumaah. Hasilna, Perancis bisa ngungkulan tim Rumania kalawan gulna 2-1. Gul tim Perancis dicitak ku pamaén hareupna nyaéta Olivier Giroud dina menit ka-57 reujeung Dimitri Payet dina menit ka-89. Gul balesan Rumania dicitak ku Bogdan Stancu ngaliwatan tajongan pinalti dina menit ka-65.

Dina ieu tatandang, sanajan jadi anu boga hajat anu tangtuna ogé dirojong ku lobana anu lalajo, Perancis teu bisa meunang kitu waé. Utama dina babak kahiji, pamaén Perancis teu bisa kalawan gampang narajang ka gawang Rumania. Pamaén ti tim Rumaniana sorangan bisa ngungkulan sagala panarajang pamaén Perancis. Duanana susah pisan pikeun ngagulkeun (ngasupkeun bal ka gawang lawanna).

Nincak kana babak kadua, kakara panarajang pamaén Perancis katempo hasilna. Dina menit ka-57 Olivier Giroud bisa ngahéden bal miheulaan kiper Rumania, Ciprian Tatarusanu. Bal meunang tajongan ti Dimitri Payet ti sisi kénca gawang Rumania téh bisa dihéden kalawan asup ka gawang Rumania. Hanjakal gul ieu bisa dibales ku Rumania ngaliwatan pinalti anu dicitak ku Bigdan Stancu dina menit ka-65. Pinalti dibikeun ka Rumania kusabab bék Perancis Patrice Evra ngaganjel Nicolae Stanciu di kotak pinalti.

Perancis meunang ngalawan Rumania
Perancis meunang ngalawan Rumania

Nempo kaayaan kitu, ahirna mah pelatih Perancis ngaganti pamaén anu kurang alus maénna. Paul Pogba jeung Antoine Griezmann diganti ku Kingsley Coman jeung Anthony Martial.

Ahirna mah dina panungtungan waktu babak kadua, tim Perancis bisa nambahan gul ngaliwatan Dimitri Payet dina menit ka-89. Pamaén asal kleub West Ham United ieu bisa ngagulkeun ngaliwatan tajongan suku kénca ti luareun kotak pinalti. Bal tajonganana asup ka juru luhur katuhu gawang Rumania. Gulna 2-1 teu robah nepikeun waktu béak.

Anu maén:

Perancis: Hugo Lloris; Bacary Sagna, Adil Rami, Laurent Koscielny, Patrice Evra; Paul Pogba (Anthony Martial, 77′), Kante, Blaise Matuidi; Antoine Griezmann (Kingsley Coman, 66′), Olivier Giroud, Dimitri Payet (Moussa Sissoko, 90′). Rumania: Ciprian Tatarusanu; Cristian Sapunaru, Vlad Chiriches, Dragos Grigore, Razvan Rat; Nicolae Stanciu (Alexandru Chipciu, 72′), Ovidiu Hoban, Mihai Pintilii; Adrian Popa (Gabriel Torje, 82′), Florin Andone (Denis Alibec, 61′), Bogdan Stancu.

(Potret meunang nginjeum ti RadarIndo)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s