Swiss Ngiluan Meunang Ngalawan Albania


Dina tatandang kadua Piala Éropa 2016, anu nepungkeun tim Swiss reujeung Albania ahirna dimeunangkeun ku tim Swiss. Tatandang anu diiluan ku patandang séjén ti Grup A ieu dilumangsungkeun di Stade Bollaert-Delelis. Gulna ngan bisa dijieun sasiki anu dicitak ku pamaén tukang tim Swiss, Fabian Schar dina menit kalima.

Sakuduna mah tim Swiss bisa nyitak gul leuwih ti hiji kusabab ti mimiti menit ka-37 pamaén tim Albania ngurangan saurang kusabab salasaurang pamaénna meunangkeun dua kartu konéng. Ngan hanjakal punjul jumlah pamaén teu bisa jadi jaminan pikeun bisa nyitak deui gul. Sanajan pamaén Swiss leuwih loba ngawasa bal heuseusna dina babak kadua, tapi teu bisa nambahan deui gulna. Sawatara kasempetan pikeun nyitak gul, bisa dibolaykeun ku kaparigelan kiper Albania, Etrit Berisha.

Gul kahiji Swiss ogé sabenerna mah da teu kudu lamun kiper Albania, Etrit Berisha teu kaluar tina gawangna. Mibanda maksud pikeun néwak bal operan ti pamaén lawan ka hareupeun gawang, kiper Albania kapaksa kudu maju ninggalkeun gawang. Hanjakal bal téh teu kahontal, anu antukna bal téh ditarima ku Fabian Schar anu kari ngasupkeun bal ka gawang anu geus kosong.

Swiss ngelehkeun Albania, 1-0
Swiss ngelehkeun Albania, 1-0

Pikeun Albania sorangan, lain teu mibanda kasempetan pikeun ngagulkeun. Da kasempetan mah aya kalana meunang, ngan hanjakal teu bisa dijadikeun gul. Pamaén hareup Albania, Armando Sadiku dua kali narajang gawang Swiss. Tapi bolay kusabab digagalkeun ku kiper Swiss jeung tajonganana ka gigireun gawang. Malahan dina panungtungan babak kadua, Shkelzen Gashi anu bisa leupas teu jadi opsét mibanda kasempetan pikeun ngagulkeun nalika manéhna geus pahareup-hareup jeung kiper Swiss. Hanjakal tajonganana bisa kabaca ku kiper Swiss.
Ahirna, gul 1-0 teu robah nepikeun ka waktuna béak.

Anu maén

Albania: Berisha; Hysaj, Cana, Mavraj, Agolli; Abrashi, Kukeli, Xhaka (Kace 62); Roshi (Cikalleshi 74), Sadiku (Gashi 82), Lenjani. Swiss: Sommer; Lichsteiner, Schar, Djourou, Rodriguez; Behrami, Xhaka; Shaqiri (Fernandes 88), Dzemaili (Frei 76), Mehmedi (Embolo 62); Seferovic.

(Potret meunang nginjeum ti Bola Liputan6)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s