Sumedang Bakal Mibanda Puseur Olahraga


Pamaréntah Kabupatén Sumedang baris ngawangun puseur olahraga (Sport Center) anu perenahna di wewengkon Jalan Pangéran Sugih Kacamatan Sumedang Selatan. Pangwangunana dirarancangna mah dilaksanakan dina taun 2017. Pawangunan puseur olahraga ieu bakal ngawengku GOR Tadjimalela jeung lapang méngbal Cigugur. Salian ti éta, ogé bakal diaduragemkeun reujeung Tahura Gunung Kunci anu aya digedengeun lapang méngbal Cigugur. Salian diwangun puseur olahraga, di ieu tempat ogé bakal diwangun tempat umum (publik).

Pangwangunan puseur olahraga ieu bakal méakeun lahan anu legana 3,2 hektar. Lahan anu geus sayaga di ieu tempat kakara 1,7 hektar kaasup lapang méngbal Cigugur anu mangrupakeun milik Pamaréntah Sumedang. Sésana anu legana 1,5 hektar diperlukeun pikeun ngawangun jalan pikeun asup ka puseur olahraga anu diwangun. Pikeun ngawangun ieu jalan, Pamaréntah kudu ngabébaskeun lahan milik masarakat. Panjang jalan anu dibutuhkeun téh manjing 365 méter kalawan legana 30 méter. Jalan anu diwangun kawilang lega supaya ngeunaheun pikeun anu patalimarga. Waragad anu diperlukeun pikeun ngabébaskeun lahan masarakat ieu nepikeun ka 21 milyar.

Jalan anu diwangunna bakal nepungkeun lapang méngbal Cigugur ka jalan Kutamaya. Jadi engkéna bakal aya dua jalan akses ka puseur olahraga anu diwangun. Anu geus nyampak ayeuna mah jalan ti Pangéran Sugih ka lapang méngbal Cigugur.

Lapang mengbal Cigugur, Gunung Kunci jeung GOR Tadjimalela ti awang-awang Sumedang
Lapang mengbal Cigugur, Gunung Kunci jeung GOR Tadjimalela ti awang-awang Sumedang

Puseur olahraga anu bakal diwangun ieu mangrupakeun puseur sarana olahraga anu aya di Kabupaten Sumedang. Di jerona bakal aya tempat pikeun olahraga panahan, silat, basket, tenis, bola voli jeung méngbal. Cabang olahraga kasebut mangrupakeun olahraga pinunjul di Kabupatén Sumedang. Harepanana mah préstasi olahraga kasebut bakal leuwih ngaronjat.

(Inpo meunang nyutat ti Pikiran Rakyat, potret Instagram @sumedangmedia)

One thought on “Sumedang Bakal Mibanda Puseur Olahraga

  1. masukan dikit pang nyaranaankeun kango pemuda-pemuda sumedang nu reseep babalapan dina aspal, kumargi di sumedang seeur anak mudana nuresep otomotif jeung babalapan, meh teu di jalan umum wae, karunya ka pengendara lain ka ganggu jeung seuur kecelakaan😥 ….. piraku kabupaten tatangga geus garaduheun ai kabupaten urang teuacan aya sircuit aspal Haturnuhun ahhhh

    Like

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s