Jalan Motong Nepungkeun Sukasari jeung Lémbang


Jalan motong anu bakal nepungkeun wewengkon Sukasari Kabupatén Sumedang reujeung Lémbang di Kabupatén Bandung Barat geus dilalanyah ti taun 2007 kénéh. Saterusna, jalan ieu jadi program andelan nalika kalungguhan Bupati Sumedang dicangking ku (Alm) H. Endang Sukandar. Sanajan jadi program andelan Kabupatén Sumedang, sabenerna mah pangwangunan jalan motong ieu dipasrahkeun ka pamaréntah propinsi Jawa Barat. Sabab, salian di ngaliwatan wewengkon Kabupatén Sumedang, jalan motong ieu baris ngaliwatan ogé wewengkon Kabupatén Bandung jeung Kabupatén Bandung Barat. Kusabab kitu, status jalanna ogé mangrupakeun jalan propinsi.

Pikeun pamaréntah Sumedang sorangan, pangwangunan jalan ieu mibanda mangpaat anu kacida gedéna. Heuseusna pikeun ngaronjatkeun pangwangunan ékonomi jeung usaha di wewengkon Kacamatan Sukasari. Usaha tatanén sayuran urang Sukasari dipiharep bakal leuwih ngaronjat sanggeusna jalan motong ieu diwangun. Hasil tatanénna bakal gampang dipasarkeunana ka luar wilayah Sukasari. Sumber daya alam séjénna ogé bisa dikali deui pikeun ngaronjatkeun kahirupan masarakatna kayaning poténsi wisata alam.

Pikeun ngarojong kana pangwangunan jalan motong ieu pamaréntah Sumedang geus ngudag ogé undakanana. Pamaréntah Sumedang geus nyieun DED (Detail Enginering Design) dina taun 2012. Rarancangna geus dipasrahkeun ka pamaréntah propinsi Jawa Barat pikeun dititenan. Kahayang nyieun jalan motong ieu ogé geus disaluyuan ku pamaréntah Kabupatén Bandung jeung Bandung Barat ngaliwatan MoU anu dipasrahkeun ogé ka pamaréntah propinsi. Nurutkeun rarancang (DED anu geus dijieun), pangwangunan jalan motong ieu bakal mibanda panjang kurang leuwih 23 km. Sedengkeun legana jalan antara 6 nepikeun ka 9 méter. Rarancang pangwangunana dipiharep dilaksanakeun dina taun 2017. Ngabébaskeun taneuh anu kaliwatan ku jalanna dina taun 2015-2016.

Salasahiji wewengkon di pileuweungan Manglayang Wetan anu bakal kaliwatan ku pangwangunan jalan motong Sukasari - Lembang
Salasahiji wewengkon di pileuweungan Manglayang Wetan anu bakal kaliwatan ku pangwangunan jalan motong Sukasari – Lembang

Pihak Perum Perhutani KPH (Kesatuan Pemangkuan Hutan) Sumedang salaku kandaga anu mibanda sawatara lahan anu kaliwatan ku ieu jalan geus ngedalkeun pangrojongna. Nurutkeun rarancangna, jalan motong ieu lain ngan ukur ngaliwatan pakebonan jeung pilemburan wungkul. Tapi ogé bakal ngaliwatan pileuweungan Manglayang Timur anu aya dina kakawasaan Perum Perhutani. Wewengkon pileuweungan anu kaliwatan ieu jalan motong kira-kira 7 km.

(Inpo jeung potret meunang nyutat ti Pikiran Rakyat)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s