Situ Cilémbang, Sirah Cai Warna Bulao


Sirah Cai Cilémbang atawa Situ Cilémbang mangrupakeun hiji sirah cai anu aya di wewengkon Désa Hariang Kacamatan Buahdua Sumedang. Situ ieu perenahna nyamuni di jero pakebonan tutugan lamping. Dikurilingan ku tatangkalan kayaning rungkun awi katut rentulna batu galedé, matak susah pikeun ngadeukeutanana.

Kaayaan cai di Situ Cilembang nalika masih beresih (potret: Instagram @fajarhermansah)
Kaayaan cai di Situ Cilembang nalika masih beresih (potret: Instagram @fajarhermansah)

Kamonésanana, cai di Situ Cilémbang ieu mibanda warna anu matak narik ati, nyaéta warna bulao. Caina hérang ngagenyas semu-semu bulao. Ceuk anu apal mah cenah cai di Situ Cilembang ieu téh ngaharib-harib kana kaayaan cai di Situ Eunteung anu perenahna di pulo Kalimantan. Caina sarua mibanda rupa anu bulao. Bakating ku beresih jeung jero situna sigana mah.

Salaku sirah cai, situ Cilémbang ieu jadi sumber cai ka imah-imah pikeun sawatara lembur anu aya di sabudeureun Désa Hariang jeung hilireunana. Dipaké ogé pikeun nyaian pasawahan anu aya di hilireunana. Di lebakeun atawa hilireun ieu situ aya babalongan tempat ngeueum atawa ngojay anu teu pati jero. Jadi sanajan anu arulin ka Situ Cilémbang teu bisa ngeueum atawa ngojay di Situ Cilémbang, bisa ngeueum/ngojay di ieu babalongan. Di deukeuteun ieu babalongan aya wangunan anu bisa dipaké pikeun ngiuhan atawa ngadon leleson. Béh kalereunana aya pasawahan.

Nurutkeun inpo, Situ Cilémbang bisa dijugjugan ku saha waé anu hayang nyaho atawa panasaran kana caina anu warna bulao. Sanajan kitu, aya dua poé anu jadi larangan pikeun ngajugjugan ieu Situ. Poé naon waé cenah? Poé laranganana nyaéta poé Salasa jeung Jumaah. Cenah mah ayana poé larangan ieu téh supaya alam bisa istirahat heula tina gangguan jalma.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s