Situ Cilémbang, Tempat Pangjugjugan Anyar di Sumedang


Caritana mah panasaran ku tempat anu keur meumeujeuhna dipadungdengkeun heuseusna di mandala maya. Tempat anu bisa disebutkeun anyaran kénéh dipedarna kalayan inpona sumebar ngaliwatan mandala maya kayaning pésbuk jeung instagram. Perenahna ieu tempat di wewengkon Désa Hariang Kacamatan Buahdua Sumedang, tegesna di jalan anu nepungkeun Hariang reujeung Wanasari.

Kaayaan cai di Situ Cilembang nalika masih beresih (potret: Instagram @fajarhermansah)
Kaayaan cai di Situ Cilembang nalika masih beresih (potret: Instagram @fajarhermansah)

Cenahna mah ieu tempat téh mangrupakeun sirah cai anu ngawangun situ leutik. Anu matak narik atina atawa matak kataji ti ieu sirah cai nyaéta warna caina anu rupana bulao. Teuing bakating ku hérang teuing bakating ku jero teuing ku naon anu nyababkeun cai di sirah cai téh rupana bulao. Nu jelas mah pikabitaeun saha waé anu nempona sanajan ngaliwatan gambar. Da ngaharib-harib situ eunteung anu aya di pulo Kalimantan.

Kabeneran peré aya sawatara poéna kusabab tungtung taun. Ngahajakeun ulin ngajugjugan ka ieu tempat. Méakeun kapanasaran judulna mah. Teu kacatur di jalanna mah. Anjog ka jalan aspal anu nepungkeun Hariang jeung Wanasari, di wewengkon anu loba kebon geus loba motor anu parkir di sisi jalan. Parkirna geus aya anu ngajaga jeung ngaturna. Ku urang dinya kénéh (Karang Taruna cenah mah) dikokolakeunana. Ti jalan aspal kudu jalan mapay jalan gedé anu geus ditémbok. Jalanna mudun kacida. Lamun mawa kandaraan téh matak paur.

Teu lila, kira-kira satengah kiloan anjog ka girang pasawahan. Ti jalan kénéh geus loba jalma anu ngadon arulin ka ieu tempat, ti suklakna ti siklukna. Pabaliut antara anu datang jeung anu mulang. Di dieu aya wangunan tempat ngiuhan reujeung sawatara warung anu nyadiakeun dahareun jeung inuman. Béh dituna aya babalongan déét anu diparaké ngojay ku barudak.

Ti dieu, lamun hayang ka sirah cai kudu leumpang deui mapay jalan anu rada rumpil jeung nanjak. Kudu ati-ati da bisi labuh kusabab jalanna kabeneran keur laleueur, katut loba pasalingsingan reujeung anu séjén. Jalanna tina taneuh disambung ku loba batu. Situna sorangan aya di tempat anu rumpil katut dikurilingan ku batu anu galedé.

Kaayaan cai di Situ Cilembang kiwari (dipotret poe Saptu, 2 Januari 2015)
Kaayaan cai di Situ Cilembang kiwari (dipotret poe Saptu, 2 Januari 2015)

Nilik kana kaayaanana mah, sakurilingeun situ téh geus roba lamun dibandingkeun reujeung potrét anu salila ieu sumebar. Sakurilingeun situ geus dicaangan, tatangkalan jeung jujukutanana anu aya di sisi situ dibabadan kajaba sisi béh kulon. Geus loba jalma anu ngadon arulina ka ieu situ. Robahna kaayaan, mangaruhan ogé kana kaayaan cai di ieu situ. Kaayaan caina robah, anu asalna bulao ayeuna mah jadi bulao sepa atawa pias, semu kiruh.

6 thoughts on “Situ Cilémbang, Tempat Pangjugjugan Anyar di Sumedang

  1. Waaww..caina bening pisan. Kacipta endahna Situ Cilembang teh, jadi hoyong ngojay didinya😛
    Biasanya sih, kalau musim hujan air sungai memang jadi keruh, butek, bulao. Citumang juga seperti itu kalau sedang “pasang” airnya. Dekat rumah saya juga ada sungai dinamai Sungai Cijulang yang mengalir ke Ciwayang, kalau musim hujan ya keruh. Bahkan warnanya bukan bulao lagi, tapi coklat pekat.

    Liked by 1 person

    • Sateuacanna mah endah sareng herang pisan Teh caina teh. Mung kusabab seueur jujukutan/tatangkalan alit anu disisina dituaran, janten kana caina kakiruhan. Teuacan deui aya jalmi anu ngiruhan caina. Mugia wae ka payunna mah tiasa beresih deui

      Like

  2. Eleuh meuni pikabitaeun eta tempat kanggo diusinggahan, kaleresan atuh eta tempat tehh ayana di desa karuhun pun lanceuk,,mdh2han pami kin nyaba kaditu tiasa sakantenan ameng heula ka dinya, sabaraha tiket lebet na nya?

    Liked by 1 person

    • Mangga Teh, mugia wae tinekanan. Kaleresan samentawis mah teuaya kawajiban kanggo mayar tiket. Mayar oge paling saridona wae ngeusian kencleng. Pami nyandak kandaraan, mayar parkir 2.000

      Like

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s