Jalan Muter Dayeuh Sumedang Mimiti Dibaladah Taun Hareup


Jalan muter anu nguriling béh kiduleun dayeuh Sumedang bakal mimiti dibaladah di taun hareup, 2016. Pikeun mitemeyanana, bakal dibébaskeun heula lahan anu bakal kaliwatan ku éta jalan. Saacan jalan diwangun, lahan anu kaliwatanana bakal dibeulian heula anu sacara téknis bakal dikokolakeun ku Dinas Pertanahan dan Energi Sumber Daya Mineral Kabupatén Sumedang.

Pikeun saheulaanan mah pangwangunan jalan muter ieu téh kakara nepi kana undakan mariksa di lapangan anu diayakeun ku Bappeda Sumedang jeung Dinas Bina Marga dan Sumber Daya Air. Nurutkeun pamariksaan, jalan muter ieu bakal mibanda panjang nepikeun ka 8,6 km. Legana jalan anu diwangun nepikeun ka 12 méter.

Salasahiji wewengkon anu bakal kaliwatan ku jalan muter dayeuh Sumedang
Salasahiji wewengkon anu bakal kaliwatan ku jalan muter dayeuh Sumedang

Sawatara wewengkon bakal kaliwatan ku ieu jalan muter anu aya di wewengkon Kacamatan Sumedang Selatan jeung Sumedang Utara. Wewengkon anu kaliwatan ku ieu jalan diantarana waé nyaéta Désa Rancamulya Kacamatan Sumedang Utara, Désa Sukajaya, Désa Margalaksana jeung Kelurahan Pasanggrahan Baru di Kacamatan Sumedang Selatan. Jalanna dimimitian ti parapatan Rancapurut ka Kampung Toga, terus ka Ciguling nepikeun nyambung ka jalan Sumedang – Bandung.

Nurutkeun Detail Enginering Desaign (DED) taun 2011, waragad anu kudu disayagakeun pikeun meulian taneuh anu kaliwatan ku ieu jalan kurang leuwih 67 milyar. Ngan kusabab harga taneuh beuki dieu beuki naék ditambah deui ku nambahan legana jalan, waragadna bakal ngaronjat nepikeun ka 87 milyar.

Pangwangunan jalan muter ieu diayakeun pikeun nyinghareupan pangwangunan anu bakal ngaronjat di wewengkon anu kaliwatan ku ieu jalan. Kaasup pangwangunan ekonomi masarakat sabudeureunana.

(Inpo jeung gambar meunang nyutat ti Pikiran Rakyat)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s