IPNU-IPPNU Sumedang Mibanda Pupuhu Anyar


Poé Saptu mangkukna ping 3 Oktober 2015, IPNU-IPPNU Kabupatén Sumedang geus réngsé ngalumangsungkeun Konferensi Cabang (Konfercab) anu diayakeun di Aula Kemenag Kabupatén Sumedang. Beubeunangan pokona tina ieu kagiatan nyaéta geus hasil milih pupuhu anyar pikeun dua lembaga kasebut. Pamustunganana, IPNU Kabupatén Sumedang dipingpin ku Saépul Hamdan sedengkeun IPPNU dipupuhuan ku Ésti Siti Nurrobi’ah.

Kagiatan Konfercab ieu diluuhan ku salasawios pupuhu lembaga anu aya pakaitan reujeung NU kayaning Pupuhu PCNU Sumedang, Pupuhu Wilayah IPNU Jawa Barat, wawakil ti DPD KNPI Sumedang, Sekretaris LP Ma’arif Kabupatén Sumedang, reujeung Alumni. Anu hadir kana ieu kagiatan téh kurang leuwih 150 urang.

Tina ieu kagiatan mucunghul harepan-harepan supaya IPNU-IPPNU Kabupatén Sumedang ka hareupna leuwih alus tibatan anu geus kaliwat. Tapi lain teu ngajénan kana kapamingpinan pupuhu saméméhna. Da tina kapamingpinan saméméhna ogé kawilang alus.

Kagiatan Konfercab IPNU jeung IPPNU Kabupaten Sumedang
Kagiatan Konfercab IPNU jeung IPPNU Kabupaten Sumedang

Pupuhu anyar anu mingpin IPNU jeung IPPNU, duanana mangrupakeun Sekretaris Cabang lembaga anu dipingpinna dina entragan saméméhna. Saépul Hamdan anu mangrupakeun Sekretaris IPNU, bisa kapilih sacara langsung jadi pupuhu IPNU kusabab dua urang pamilon séjénna teu bisa nyumponan kana sarat anu geus ditangtukeun. Sedengkeun Ésti Siti Nurrobi’ah kudu silih éléhkeun heula reujeung pamilon saurang deui, Nuri Noor Azizah. Beubeunangan sorana ampir sarua.

Salian ti milih pupuhu anyar, acara Konfercab ieu ogé dieusi ku rupa-rupa sidang reujeung Stadium General ngeunaan Pendidikan dan Organisasi anu dipintonkeun ku Bapa Asep Kurnia, SH., MH salaku pupuhu KPU Sumedang.

(Inpo meunang nyutat ti Emka, potret meunang nginjeum ti pesbuk)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s