Meunang di Bandung, Pérsib Asup Undakan Semifinal


Sanggeus ngéléhkeun kleub Pusamania Bornéo FC dina tatandang anu dilumangsungkeun peuting tadi, Pérsib Bandung bisa asup kana undakan saterusna dina Piala Présidén 2015. Dina tatandang anu dilumangsungkeun di Stadion Si Jalak Harupat éta, Pérsib kudu meunang sahanteuna sagul. Lamun imbang atawa éléh Pérsib moal ngiluan undakan Semifinal.

Ahirna, dina tatandang ieu Pérsib bisa ngéléhkeun Pusamania Bornéo FC sanggeus bisa nyitak dua gul kalawan kagulan sasiki. Atuh, dijumlah-jamléh mah reujeung tatandang saméméhna, gulna téh imbang 4-4. Anapon kitu, Pérsib Bandung jadi kleub anu meunang kusabab bisa nyitak gul leuwih loba dina tatandang nalika nyorog ka Samarinda Kalimantan.

Campuhna tatandang Persib Bandung ngalawan Pusamania Borneo FC dina undakan Parapatfinal Piala Presiden 2015
Campuhna tatandang Persib Bandung ngalawan Pusamania Borneo FC dina undakan Parapatfinal Piala Presiden 2015

Tatandang ieu lumangsung kalawan campuh. Pamaén dua kleub silih tarajang papada hayang ngagulkeun. Leuwih jauhna, bakating ku hayang ngagulkeun loba kajadian anu matak pikakeuheuleun. Utamana dina babak kadua, sawatara pamaén remen katempo silih téngkas, silih jungkelkeun. Teu anéh lamun wasit anu mingpin ieu tatandang ngaluarkeun kantu konéng kacida lobana. Bakating ku campuhna lain kartu konéng wungkul anu dikaluarkeun ku wasit téh, dalah kartu beureum ogé teu éraeun dikaluarkeun. Tilu kartu beureum dikaluarkeun tina pésak baju wasit.

Ngeunaan gulna, Pérsib Bandung katinggaleun tiheula. Dina menit ka-37 Pusamania Bornéo FC bisa ngagulkeun tiheula ngaliwatan pamaén hareupna, Jajang Mulyana. Pérsib Bandung kakara bisa males dina babak kadua ngaliwatan tajongan Makan Konate dina menit ka-67. Dina menit ka-73 giliran Zulham Zamrun anu ngagulkeun.

(Potret meunang nginjeum ti Bola Liputan6)

2 thoughts on “Meunang di Bandung, Pérsib Asup Undakan Semifinal

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s