Nyorog ka Kalimantan, Pérsib Bandung Diéléhkeun Pusamania Borneo FC


Tatandang munggaran dina undakan Parapatfinal Piala Présidén 2015, Pérsib Bandung kudu nyorog ka tempat kleub Pusamania Borneo FC di Stadion Segiri Samarinda. Tatandang anu geus dilumangsungkeun dina poé Ahad ping 20 Séptémber 2015 ieu ahirna mah bisa dimeunangkeun kleub nu boga tempat. Ki kituna, Pérsib Bandung anu saméméhna mah teu kaéléhkeun, kakara bisa kaéléhkeun.

Persib Bandung dielehkeun Pusamania
Persib Bandung dielehkeun Pusamania

Dina ieu tatandang, Pérsib Bandung sabenerna mah bisa ngagulkeun tiheula. Dina menit kagenep Pérsib Bandung bisa nyitak gul ngaliwatan pamaén hareup Ilija Spasojevic. Inyana bisa ngasupkeun bal ka gawang Pusamania anu dijaga ku Galih Sudaryono sanggeus meunang operan ti Zulham Zamrun. Tapi teu lila, dina menit kasawelas, Pusamania bisa males ngaliwatan gul anu dicitak ku Arfani. Dina babak kahiji ngan bisa dicitak dua gul. Sanajan pamaén kadua kleub silih tarajang, taya gul tambahan.

Dina babak kaduana, Pusamania Borneo FC malikan bisa nyitak gul tiheula. Dina menit ka-69, pamaén hareup Pusamania, Boaz Salossa bisa nyitak gul sanggeus meunang operan bal ti Pahabol. Teu lila, Pusamania ogé bisa nambahan deui gul anu dicitak deui ku Boaz Salossa dina menit ka-73. 1-3, Pérsib Bandung katinggaleun. Dina menit ka-81, Pérsib Bandung bisa nyitak sagul deui pikeun ngurangan katinggaleun gul ngaliwatan Vladimir Vujovic.

Sanajan Pérsib Bandung éléh 2-3, tapi kasempetan Pérsib Bandung pikeun asup kana undakan saterusna, tacan katutup. Aya hiji tatandang deui anu bakal dilumangsungkeun di Bandung. Pikeun asup kana undakan Semifinal, Pérsib kari meunang hiji gul ogé, asal teu kagulan bisa langsung.

(Potret meunang nginjeum ti Simamaung)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s