Tilu Jalan Pikeun ka Bendungan Jatigedé


Anu panasaran kana bendungan Jatigedé, taya salahna lamun ulin ngajugjug ka éta bendungan. Sahanteuna lamun ulin ka bendungan ayeuna-ayeuna, bakal apal kumaha kaayanana saméméh kakeueum kabéhanana. Da ayeuna mah kakara dasarna anu kakeueumna.

Ngan lamun hayang atawa arék ulin ka bendungan Jatigedé, kudu ngaliwatan mana? Jalan mana anu kudu disorang lamun hayang ka bendungan Jatigedé?

Pikeun anu hayang ulin ka bendungan Jatigedé, sahanteuna aya tilu jalur atawa jalan anu bisa diliwatan. Kari milih hayang jalan anu mana. Hayang jalan anu deukeut atawa anu jauh? Hayang jalan anu alus atawa jalan anu goréng?

Salasawios jalan anu bisa diliwatan pikeun muru ka bendungan Jatigede
Salasawios jalan anu bisa diliwatan pikeun muru ka bendungan Jatigede

Jalur Situraja – Cisitu

Jalan ka Jatigede ngaliwatan Situraja - Cisitu
Jalan ka Jatigede ngaliwatan Situraja – Cisitu

Jalur kahiji nyaéta ngaliwatan Situraja – Cisitu. Jalur ieu, lamun ti dayeuh Sumedang mah pangdeukeutna. Kari ngaliwatan jalan alus ka Situraja disambung ka Cisitu. Nepikeun ka wewengkon Cisitu mah masih kénéh alus. Hanjakal jalan saterusna, ti wewengkon Sudapati ka dituna mah goréng da jalanna mangrupakeun jalan paranti mobil gedé (puso) anu narikan batu pikeun bendungan Jatigedé. Jalanna mangrupakeun taneuh beureum anu dibatuan, lamun halodo bakal ngebul, lamun usum hujan bakal laleueur. Jalan ieu bisa diliwatan ku motor jeung mobil.

Jalur Wado – Jemah

Jalan ka Jatigede ngaliwatan Wado - Jemah
Jalan ka Jatigede ngaliwatan Wado – Jemah

Jalan kadua ngaliwatan Wado – Jemah. Jalan ieu leuwih jauh tibatan ka Situraja – Cisitu. Jalanna teu alus kabéh. Jalan anu alusna ngan ukur nepikeun ka Wado. Jalan ti Wado ka dituna leuwih goréng. Punjulna ngaliwatan jalan ieu bakal ngaliwatan dasar bendungan Jatigedé saméméh nepi ka bendunganana. Ngan lamun jalanna geus kakeueum, tangtuna moal bisa ngaliwat, kudu nguriling ka wewengkon anu leuwih luhur (ka wewengkon béh wétan).

Jalur Tomo – Jatigedé

Jalan ka Jatigede ngaliwatan Tomo/Tolengas
Jalan ka Jatigede ngaliwatan Tomo/Tolengas

Jalan katiluna bisa ngaliwatan jalur Tomo/Toléngas. Jalur ieu mah alus pisan. Jalan ti Tomo/Toléngas nepikeun ka wewengkon Kacamatan Jatigedéna alus, geus diaspal. Hanjakal waé lamun ti dayeuh Sumedang mah kudu nguriling heula ka Tomo, tapel wates Sumedang – Majalengka. Bisa diliwatan ku motor, mobil jeung beus.

2 thoughts on “Tilu Jalan Pikeun ka Bendungan Jatigedé

  1. Hatur nuhun pituduh nu sae, janten upami jalan ti Wado hartosna ti girang nyukcruk ka hilir … upami ti situraja nyukcrik sagedengeun bendungan, upami ti tomo mangrupi jalan gerbang payun nu brasna ka luhureun bendungan utama…., abah mah hoyong nyobian lebet ti wado – buah ngariung – sundulan – cadasngampar jemah ……uwihna bras ka tomo….

    Like

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s