Tatandang Munggaran di Piala Présidén, Pérsib Ngaladénan Pérsiba


Tatandang munggaran Pérsib Bandung dina raraga ngiluan turnamén méngbal Piala Présidén 2015 bakal dilumangsungkeun dina poé ayeuna dina wanci sareupna. Salaku anu boga imah dina sakabéh tatandang di Grup A, Pérsib Bandung dijagokeun pikeun meunang. Malahan Pérsib Bandung jadi salasahiji kleun anu dijagokeun pikeun asup kana undakan saterusna. Tatandang ieu bakal dilumangsungkeun di Stadion Si Jalak Harupat Soréang Kabupatén Bandung.

Persib Bandung ngalawan Persib Bandung
Persib Bandung ngalawan Persib Bandung

Nyanghareupan ieu tatandang, utamana Piala Présidén, Pérsib Bandung geus ngumpulkeun sakabéh pamaén anu saméméhna ngiluan ka Pérsib Bandung saméméh bubar. Dua pamaén luar nagri anu saméméhna mulang heula ka nagrina, nyaéta Makan Konate katut Vladimir Vujovic geus ngihiji deui. Ditambah deui ku pamaén anyar meunang nginjeum ti kleub Pérsipura Jayapura nyaéta Zulham Zamrun.

Atuh, nilik kana pamaénna mah Pérsib Bandung kakuatanana taya anu robah reujeung saméméhna. Iwal ti lila teu méngbal atawa eureun heula méngbal kusabab bubar. Harepanana mah Pérsib Bandung bisa ngéléhkeun lawanna supaya bisa ngajaga kasempetan pikeun asup ka undakan saterusna.

Pamaén Pérsib Bandung anu sigana bakal dipaénkeun nyaéta: I Made Wirawan; M. Ridwan, Vladimir Vujovic, Ahmad Jufriyanto, Dias Angga Putra; Hariono, Firman Utina; Zulham Zamrun, Dédi Kusnandar, Atép; Ilija Spasojevic.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s