Bendungan Jatigedé Geus Dipendet Poé Kamari


Sanggeus ditunda sawatara waktu lantaran sababaraha hal, ahirna mah bendungan Jatigedé téh mimiti dicaian ogé. Mimiti poé kamari, Senén ping 31 Agustus, kokocoran ka hilir ti bendungan téh dipendet. Sanajan teu tulus diluuhan ku Présidén Indonésia, bendungan mimiti dieusian cai kalawan resmi ku Menteri Pekerjaan Umum dan Perumahan Rakyat (PUPR) Basuki Hadimuldjono.

Nurutkeun pamaréntah, bendungan Jatigedé ieu bakal loba mangpaatna heuseusna pikeun masarakat. Sababaraha mangpaat bendungan ieu diantarana waé nyaéta pikeun nyaian pasawahan anu legana 90 rébu héktar katut bisa jadi sumber cai pikeun kahirupan di rumah tangga. Salian ti éta, bendungan Jatigedé ogé bakal dijadikeun tempat ngahasilkeun listrik PLTA anu gedéna nepikeun ka 1.110 Mégawatt. Ka hareupna ieu bendungan bisa jadi tempat pakanci ogé (tempat pariwisata) reujeung tempat ngungkulan banjir.

Bendungan Jatigede geus mimiti dipendet
Bendungan Jatigede geus mimiti dipendet

Pikeun munggaranana, bendungan bakal dicaian nepikeun ka tempat anu luhurna 204 méter. Pikeun nyaian ka tempat anu luhurna sakitu, diperlukeun waktu kira-kira 12 poé. Dina ieu waktu cai bendungan bakal ngeueum wewengkon anu aya di Désa Jemah. Pakampungan anu aya di Désa Jemah bakal mimiti kakeueum dina waktu 14 poé. Saterusna, cai bendungan bakal ngambah ka wewengkon Désa Cipaku Kacamatan Darmaraja dina waktu 50 poé saterusna.

Dina ngaresmikeun ieu bendungan, diluuhan ogé ku sawatara gegedén saperti gupernur Jawa Barat Ahmad Héryawan, Wakil Bupati Sumedang Éka Setiawan, Kepala BBWS Cimanuk-Cisanggarung Trisasongko Widianto, Komisi V DPR RI, Dirjen Sumber Daya Air Kementerian PUPR Mudjianto, Ketua DPRD Jawa Barat Ineu Purwadewi Sundari.

(Potret meunang nginjeum ti facebook)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s