Pérsib Maén Deui Ngaladénan Aréma


Sanggeus sawatara waktu, pamaén Pérsib peré teu maén kusabab dibubarkeun, ahirna mah dina poé ayeuna bakal maén deui. Pasosoré ayeuna, Pérsib nyorong ka Malang seja tatandang ngalawanan kleub Aréma Malang. Tatandang ieu diayakeun ku kleub Aréma Malang dina raraga milangkala éta kleub anu ka-28. Jadi lain tatandang dina Liga Indonésia atawa kompetisi séjénna.

Tatandang Arema Malang ngalawan Persib Bandung
Tatandang Arema Malang ngalawan Persib Bandung

Kleub Pérsib Bandung geus nyayagakeun pamaénna pikeun ieu tatandang. Ti mimiti ping 3 Agustus pamaén anu saméméhna ngiluan ka Pérsib dicalukan deui supaya ngahiji deui. Hanjakal teu sakabéh pamaén bisa ngahiji deui, aya sababaraha urang pamaén anu teu bisa ngiluan saperti Makan Konate jeung Vladimir Vujovic. Untung Pérsib bisa kénéh diiluan ku Ilija Spasojevic anu teu mulang ka nagarana katut tambahan pamaén Zulham Zamrun.

Pikeun Pérsib sorangan, dina ieu tatandang teu dikudukeun jadi anu meunangna. Taya beungbeurat pikeun pamaén Pérsib Bandung pikeun meunang. Nu penting mah bisa méngbal deui sanggeus lila teu maén.

Tatandang anu bakal dilumangsungkeun di stadion Kanjuruhan Malang ieu bakal dipintonkeun ngaliwatan galura tipi MNCTV dina jam tujuh peuting.

(Gambar meunang nginjeum ti SindoNews)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s