‘Idul Fitri dina Poé Jumaah, Teu Meunang Solat di Dayeuh Sumedang


Teu karasa waktu téh nyérélékna, sakeudeung deui puasa téh bakal lekasan, dipapag ku poéan lebaran atawa ‘Idul Fitri. Nurutkeun pananggalan kalénder mah, poé lebaran taun ayeuna ninggang kana poé Juma’ah ping 8 Srawana Kresnapaksa 1951 Candra Kala Sunda atawa 17 Juli 2015.

Lebaran poé Juma’ah? Taya mas’alah. Da arék iraha waé ogé sarua.

Ngan, nurutkeun sajarah, pikeun gegedén Sumedang mah, lebaran poé Juma’ah téh mibanda harti anu mandiri. Cenah, aya pantangan pikeun pupuhu jeung kulawarga Sumedang nyaéta ulah ngalakonan solat ‘Id di dayeuh Sumedang. Ngalakonan solat ‘Id-na kudu dipasisian sigana mah (pokona mah ulah di puseur dayeuh Sumedang).

Hal ieu téh aya pakaitna reujeung sajarah lumangsungna Karajaan Sumedang Larang baheula. Baheula nalika Karajaan Sumedang Larang dipingpin ku Pangeran Panembahan ditarajang ku Kasultanan Banten. Nalika Pangéran Panembahan jeung kulawarga katut masarakat Sumedang keur ngalaksanakeun solat ‘Id di puseur dayeuh Sumedang anu perenahna di Tegal Kalong, ngadadak diserang ku tangtara Banten. Kajadianana dina ping 18 Nopémber 1678 anu ninggal poé Juma’ah. Kangaranan keur ibadah ngadadak ditarajang ku musuh, Pangéran Panembahan saparakanca teu bisa walakaya. Untung Pangéran Panembahan bisa salamet. Tapi hanjakal kulawargana aya anu tiwas.

Jalma-jalma keur rengse solat 'Idul Fitri
Jalma-jalma keur rengse solat ‘Idul Fitri

Tina kajadian ieu, Pangéran Panembahan ngaluarkeun pantangan anu masih kénéh dicekel nepikeun ka ayeuna. Saha waé anu mingpin Sumedang ulah ngalaksanakeun solat ‘Id di puseur dayeuh Sumedang. Cenah, pantangan ieu téh mangrupakeun salasahiji cara miéling kajadian diserangna dayeuh Sumedang nepikeun ka bisa dikawasa ku Banten. Lamun pantangan ieu dirempak, cenah bakal aya musibah anu bakal tumiba ka Sumedang atawa gegedén Sumedang jeung kulawargana.

(Potret meunang nginjeum ti Kemenag Provinsi Jawa Barat)

2 thoughts on “‘Idul Fitri dina Poé Jumaah, Teu Meunang Solat di Dayeuh Sumedang

    • Muhun Kang.
      Da eta mah kaleresan wae kapungkur kajantenan sapertos kitu, kajantenan anu janten sajarah. Teu kedah janten cepengan kanggo urang ayeuna….

      Like

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s