Eusi Acara Milangkala Sumedang ka-437, Taya nu Robah


Sakumaha taun-taun saméméhna, eusi acara pikeun ngareuah-reuah milangkala Sumedang ka-437 taya anu robah. Dina harti taya acara tambahan anu ahéng tur anéh. Acarana masih kénéh standar atawa biasa-biasa waé. Acara pangeusina nyaéta jaroh ka Taman Makam Pahlawan Cimayor jeung karuhun Sumedang, pawéy Karéta Naga Paksi jeung Makuta Binokasih anu mangrupakeun titinggal Karajaan Sumedang Larang, bakti sosial jeung tabligh akbar. Kitu nurutkeun panatacalagara milangkala Sumedang ka-437 sakumaha anu diinpokeun ku Pikiran Rakyat Online.

Eusi Acara Milangkala Sumedang ka-437, Taya nu Robah
Eusi Acara Milangkala Sumedang ka-437, Taya nu Robah

Hal ieu aya patalina reujeung kurangna waragad katut waktu. Anu leuwih diandelkeun dina milangkala taun ayeuna mah nyaéta sumanget (spirit) jeung bakti sosial ka masarakat anu teu mampuh. Acara bakti sosialna sorangan dieusi ku ngayakeun sunatan massal pikeun 75 urang kalawan gawé bareng jeung Badan Amil Zakat (BAZ). Aya deui operasi katarak katut biwir suwing anu tempatna di RSUD Sumedang. Ditambah ku memener imah anu geus teu merenah pikeun dicicingan katut méré mawéh ka barudak pahatu lalis jeung kolot anu geus tokroh-tokroh. Acara bakti sosial ieu baris dilumangsungkeun dina ping 22 April.

Dina ping 21 Aprilna baris dilumangsungkeun pawéy Makuta Binokasih jeung Karéta Naga Paksi. Pawéy ieu direuah-reuah ogé ku gelar prajurit karajaan jeung puluhan putri.

Teu poho ogé baris diayakeun acara paméran pangwangunan anu mintonkeun rupa-rupa produk pinunjul masarakat Sumedang. Produk pinunjul anu diilukeun diantarana waé nyaéta Batik Kasumedangan, kadaharan has Sumedang saperti Tahu Sumedang, Opak Conggéang, Salé Cau, Hui Cilembu, Oncom Pasir Reungit jeung nu séjénna. Ditambah ku kerajinan wayang golék jeung aanyaman tina awi.

Saméméhna, dina ping 20 April baris diayakeun heula acara tablig akbar jeung istigasah anu dieusi ku KH. Jujun Junaedi. Ieu acara dilumangsungkeun di Pendopo kantor IPP Pemkab Sumedang.

(Potret meunang nginjeum ti Pikiran Rakyat Online)

One thought on “Eusi Acara Milangkala Sumedang ka-437, Taya nu Robah

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s