Liga QNB Gaganti LSI


Liga QNB (Qatar National Bank) Gaganti LSI
Liga QNB (Qatar National Bank) Gaganti LSI

Liga QNB? Naon éta téh?

Liga QNB atawa Liga Qatar National Bank mangrupakeun ngaran anu dipaké pikeun ngaganti Liga Super Indonésia. Jadi mimiti entragan 2015 mah ngaranna téh lain LSI atawa ISL deui tapi Liga QNB (QNB League). Ganti ngaran ieu taya lian kusabab robahna pausahaan anu jadi pangrojong kana Liga Indonésia. Lamun saméméhna mah dirojong ku Djarum Super, mimiti taun ayeuna mah nepikeun ka taun 2017 dirojong ku QNB. QNB téh salasahiji ngaran bank di nagri Qatar.

Dina nyanghareupan liga entragan 2015 ieu, BVSports salaku pausahaan anu mibanda tugas pikeun néangan pangrojong Liga di Indonésia, bisa narik QNB Group pikeun jadi pangrojong liga méngbal di Indonésia. Antukna, QNB Group nyatujuan pikeun ngarojong liga méngbal Indonésia salila tilu taun, nepikeun ka taun 2017. QNB mibanda hak pikeun maké ngaran liga méngbal Indonésia sakumaha kahayangna. Hal ieu lain perkara anyar. Liga méngbal Indonésia saméméhna ogé sarua, ngaranna diluyukeun reujeung ngaran pausahaan anu ngarojongna. Tilik waé kana ngaran Liga Dunhill, Liga Kansas jeung Liga Bank Mandiri.

Ilubiungna pausahaan QNB dina perkara méngbal lain anu munggaran. Saméméhna ieu pausahaan téh jadi pangrojong ogé ka kleub méngbal asal nagri Perancis, PSG (Paris Saint-Germain).

Sugan waé dirojong ku pausahaan anu geus kakoncara ka janapria mah bisa leuwih maju dunya méngbal Indonésia téh.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s