Féstival Budaya Sunda 2015


Gerakan Pemuda Berbudaya (Gerpeda) gawé bareng jeung SMA Negeri 8 Bandung baris ngalumangsungkeun Festival Budaya Sunda 2015. Ieu acara dirojong ogé ku Dinas Kebudayaan dan Pariwisata dayeuh Bandung. Ieu festival téh bakal diayakeun dina bulan Méi 2015 anu bakal datang.

Aya sababaraha jinis acara anu bakal ngeusi ieu festival. Acara anu ngeusian nyaéta Kampanye Budaya Sunda anu bakal dilumangsungkeun dina poé Ahad ping 10 Méi kalawan tempatna di Car Free day, Dago Bandung.

Féstival Budaya Sunda 2015
Féstival Budaya Sunda 2015

Terus aya deui Kompetisi Budaya Sunda anu dilaksanakeun dina ping 8, 10, 16, 17 jeung 23 Méi. Ieu acara dilaksanakeun di SMA Negeri 8 Bandung. Jinis kajawaraan anu diayakeunana nyaéta Fotografi, Karnaval, Mewarnai, Menggambar, Melukis, Nyanyi Sunda, Stand Up Comedy, Tari Jaipong, Fashion Show, Kabaret, Aransemen Band, katut Pencak Silat Ibing.

Ditambah ku Pameran Budaya Sunda anu diayakeun dina ping 25 Méi 2015 kalawan tempatna di SMA Negeri 8 Bandung. Anu ngeusina nyaéta Pendidikan, Makanan Sunda, Permainan “Budak Baheula”, Alat Musik Sunda, Busana Sunda, Perkakas Sunda, Fotografi, Lukias dan Ukiran katut Budaya Sunda séjénna.

Anu panungtungan nyaéta Pemilihan Putra-putri Budaya Sunda anu dilaksanakeun ogé di SMA Negeri 8 Bandung. Ngeunaan waktuna bakal dilumangsungkeun dina ping 29 nepikeun ka 31 Méi 2015.

Ieu festival téh baris marebutkeun hadiah anu sakabéhna 200 yuta.

Anu hayang ngiluan kana ieu festival bisa ngeusi heula formulir anu bisa diundeur di loka fbs2015.blogspot.com. Di éta loka ogé disadiakeun sarat pikeun ngiluan kana ieu festival.

Pikeun inpo leuwih jero bisa nepungan ka pantacalagara (panicia) di sekretariat Gerpeda di Jl. Bojongkonéng Atas 42, Sukapada Cibeunying Kulon Bandung atawa ka sakola SMA Negeri 8 Bandung, Jl. Solontongan No. 3 Turangga, Léngkong Bandung. Atawa bisa ogé ngaliwatan kontak télépon 08818230329 (Sekretariatan), 089507927509 (Ibnu). Atawa akun pésbuk facebook.com/gerpeda atawa akun twitter @gerpeda.

One thought on “Féstival Budaya Sunda 2015

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s