Sanajan kaasup wewengkon Kabupatén Cilacap Propinsi Jawa Tengah, wewengkon Kacamatan Dayeuhluhur henteu bisa leupas tina budaya Sunda. Hal ieu henteu leupas tina perenahna wewengkon Dayeuhluhur anu aya di tapel wates Jawa Barat jeung Jawa Tengah. Jadi sanajan sacara administrasi mah asup ka wewengkon Jawa Tengah, ari budayana mah asup kana budaya Sunda.
Dina raraga miara jeung ngawanohkeun seni budaya anu aya di Dayeuhluhur, dina ping 31 Désémber 2014 nepikeun ka ping 5 Januari 2015 geus diayakeun pagelaran seni budaya jeung seni modérn. Ieu pagelaran téh dilumangsungkeun di Rest Area Mergo Kacamatan Dayeuhluhur kalawan yasana CS Production. Sababaraha kasenian tradisional dipagelarkeun, diantarana waé ibingan tradisional, Calung, Réog, pasanggiri Rebana, Kuda Lumping, jeung kasenian tradisional anu lianna.
Salian ti kasenian, ogé aya pidangan kadaharan khas Dayeuhluhur. Salian ti kadaharan aya ogé pidangan produk kerajiananana.
Pikeun seni modérnna, aya pagelaran band jeung musik Reggae anu mintonkeun grup band reggae asal Jakarta (Andreagge) jeung ti Bandung (Cofee Reggae Stone). Kitu sakumaha anu diwartakeun ku Harapan Rakyat Online.
Kampung Ciburuan [KC] 