Tatandang Katilu Parapatfinal: Argéntina Ngalawan Bélgia


Dina ieu tatandang, loba anu leuwih ngajagokeun tim Argéntina pikeun ngéléhkeun tim Bélgia. Sanajan kitu, bukti nyata di lapang mah henteu bisa kitu waé. Tim Argéntina kudu hésé capé heula saméméh bisa ngéléhkeun tim Bélgia.

Dina babak kahiji, tim Argéntina rajin nyerang ka gawang Bélgia. Hasilna dina menit kadalapan Argéntina bisa nyitak gul ngaliwatan pamaén hareupna, Gonzalo Higuain. Meunang bal nyasab dina kotak pinalti, Higuain nyépak bal ka gawang Bélgia. 1-0 pikeun tim Argéntina.

Tatandang tim Argentina ngalawan tim Belgia
Tatandang tim Argentina ngalawan tim Belgiatim Ar

Sanggeus kagulan, tim Bélgia ngajawab ku jalan leuwih sumanget deui nyieun panarajangna ngaliwatan Kevin De Bruyne. Hanjakal sépakan balna masih kénéh ka gigir. Kitu deui sépakan bal ti Jan Vertonghen masih kénéh bisa dihalangan ku Ezequil Garay.

Tim Argéntina ogé mibanda kasempetan séjén pikeun nambahan gulna. Hanjakal gagal dijadikeun gul. Kasempetan anu dipibanda ku Angel Di Maria nalika meunang operan bal ti Lionel Messi masih kénéh bisa dihalangan ku bék Vincent Kompany. Saterusna kasempetan ogé dipibanda ku Lionel Messi. Hanjakal saruana henteu bisa dicitak jadi gul. Babak kahiji réngsé, gul angger 1-0 pikeun Argéntina.

Maju ka babak kadua, Argéntina masih kénéh bisa ngadalikeun bal di lapang. Kasempetan pikeun nambahan gul kapanggih dina menit ka-51 ngaliwatan Gonzalo Higuain. Hanjakal sépakan balna sanggeus ngadeukeutan kotak pinalti, henteu pas ka gawang Bélgia. Dina menit ka-54, Higuain meunang deui kasempetan, hanjakal sépakan balna néngtog kana palang gawang.

Tim Bélgia lain henteu mibanda kasempetan pikeun mayar gul, tapi kasempetan anu dipibandana henteu bisa dijadikeun gul. Menit ka-60 Marouane Fellaini meunang kasempetan pikeun ngasupkeun bal ka gawang Argéntina. Hanjakal hédenanana henteu pas ka jero gawang.

Nepikeun ka waktu tatandangna érép, gul henteu robah. 1-0 pikeun Argéntina. Sanajan meunang, Argentina kudu kaleungitan Angel Di Maria anu cilaka dina menit ka-33.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s