Tatandang Kaopat Parapatfinal: Walanda Ngalawan Kosta Rika


Salaku salasahiji tim anu jadi pinunjul pikeun jadi jawara Piala Dunia 2014, Walanda dina ieu tatandang bisa ngawasa kana méngbalna. Tim Walanda bisa laluasa nyerang ngaliwatan tilu urang pamaén hareupna katut pamaén tengahna. Memphis Depay di belah kénca, Arjen Robben di belah katuhu ditambah Robin van Persie di tengah. Teu anéh lamun loba kasempetan anu dipibanda ku Walanda pikeun ngagulkeun. Hanjakal alus jeung disiplinna pamaén tukang katut kiper Kosta Rika, unggal kasempetan pikeun ngagulkeun téh teu jadi gul waé.

Tatandang antara tim Walanda ngalawan tim Kosta Rika
Tatandang antara tim Walanda ngalawan tim Kosta Rika

Kasempetan paling alus datang ka pihak Walanda dina menit ka-21. Tajongan bal ti Van Persie jeung Wesley Sneijder geus nojo ka gawang Kosta Rika. Hanjakal kiper Kosta Rika Keylor Navas kacida alusna dina nahan bal supaya henteu asup ka gawangna. Sakali-kali mah Kosta Rika ngayakeun serangan balik anu jarang ngabahayakeun gawang Walanda. Lamun dibandingkeun mah, kasempetan anu dipibanda ku Walanda pikeun ngagulkeun téh kacida lobana, 20 kali sépakan bal ka gawang Kosta Rika anu 15 kali diantarana nojo ka gawang.

Sanajan diserang terus-terusan, gawang Kosta Rika tetep henteu bisa tembus ku bal. Nepikeun ka waktu tatandang normal érép, euweuh gul anu bisa dicitak ku dua tim.

Kapaksa diteruskeun ka babak tambahan. Dina babak tambahan waé ogé angger euweuh gul anu bisa dicitak. Sanajan Walanda henteu kendor dina nyerang gawang Kosta Rika, pamaén Walanda henteu bisa nyitak gul. Salian disababkeun ku alus maénna kiper Kosta Rika dina ngagagalkeun unggal kasempetan anu dijieun ku pamaén Walanda, ogé ditambah ku faktor séjénna. Sababaraha kali kasempetan ngagulkeun téh kalahka néngtog kana tihang gawang. Lamun henteu kahalangan ku kiper, pasti waé kahalangan ku tihang gawang.

Kusabab euweuh waé gul anu bisa dicitak, tatandang téh dipungkas ku babak adu pinalti. Saméméh waktu maén béak, anu ngalatih Walanda, Luis Van Gaal ngaganti heula kiper Walanda ku Tim Krul. Ieu kawijakan téh kacida alusna kusabab nalika adu pinalti, ieu kiper bisa ngagagalkeun dua kali sépakan pinalti ti Bryan Ruiz jeung Michael Umana. Atuh, dina babak adu pinalti Walanda bisa ngéléhkeun Kosta Rika kalawan gulna 4-3.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s