Tatandang Kahiji Parapatfinal: Perancis Ngalawan Jérman


Tatandang anu ngadukeun jawara Piala Dunia ti wewengkon padaratan Éropah lumangsung kalawan campuh. Duanana silih serang ka gawang lawanna séwang-séwangan. Sababaraha kasempetan dipibanda ku dua tim pikeun ngagulkeun bal ngaliwatan pamaén hareupna (striker). Dina menit katujuh, Perancis meunang kasempetan alus pikeun ngagulkeun bal ka gawang Jérman sanggeus tajongan Karim Benzema dina kotak pinalti. Hanjakal tajonganana henteu langsung nojo ka gawang Jérman anu dijagaan ku Manuel Neuer.

Tatandang tim Perancis ngalawan tim Jerman
Tatandang tim Perancis ngalawan tim JermanNga

Dina menit ka-13, Jérman mibanda kasempetan alus pikeun ngagulkeun bal ka gawang Perancis sanggeus meunang tajongan bebas nalika Paul Pogba nyieun deleka ka Toni Kroos. Toni Kroos anu langsung nyokot ieu tajongan. Bal tajonganana ditarima ku Mats Hummels anu parebut reujeung Raphael Varane. Mats Hummels bisa meunangkeun bal anu terus diasupkeun ka gawang Perancis bari henteu bisa dicegah ku kiperna. Ahirna gul, 1-0 pikeun Jérman.

Saterusna, pamaén Jérman leuwih alus deui dina méngbalna. Hal ieu nyababkeun panarajang pamaén Perancis neunggar cadas, susah pisan pikeun ngudag gul Jérman. Réngsé babak kahiji, gulna henteu robah.

Nincak babak kadua, pamaén Perancis langsung nyerang ka gawang Jérman ngaliwatan sisi kéncana. Tapi operan bal anu ditojokeun ka kotak pinaltina henteu bisa dimangpaatkeun pamaén hareup Perancis da néngtog waé ka pamaén tukang Jérman. Tim Perancis beuki susah pikeun ngadeukeutan gawang Jérman kusabab pamaén Jérman beuki disiplin dina maénna. Pikeun nambahan kamampuhan seranganana, Perancis ngaganti pamaén tengah Yohan Cabaye ku pamaén hareup Loic Remy. Nambahanana pamaén hareup jadi dua urang, lumayan nambahan kamampuhan Perancis pikeun nyerang gawang Jérman. Saterusna, Karim Benzema meunang kasempetan pikeun ngasupkeun bal ka gawang Jérman sanggeus bisa ngaliwatan Philipp Lahm di kotak pinalti. Tapi bal tajonganana masih bisa dihalangan ku Mats Hummels.

Diserang terus, dina menit ka-81, Jérman ngayakeun serangan balik anu ampir-ampiran jadi gul. Thomas Muller ngoperkeun bal ka Andre Schurrle anu henteu dijagaan di kotak pinalti. Hanjakal bal hasil tajonganana kahalangan ku suku Hugo Lloris.

Nepikeun ka waktuna érép, gul henteu nambahan angger 1-0 pikeun Jérman. Atuh, Jérman anu mibanda hak pikeun asup ka undakan Semifinal Piala Dunia 2014.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s