Tatandang Kadua Parapatfinal: Brasil Ngalawan Kolombia


Salaku anu boga hajat, tim Brasil kacida ngadalikeun jalanna ieu tatandang. Babak kahiji dimimitian, tim Brasil langsung nyerang ka gawang tim Kolombia. Seranganana lain ngan ukur dijalankeun ku pamaén hareupna wungkul, tapi ogé ku pamaén tengah (gelandang) jeung pamaén tukang (bék) tim Brasil. Teu anéh pamaén tukang Kolombia, Mario Yepes jeung Cristian Zapata kacida paciweuhna dina nahan panarajang tim Brasil.

Dina menit ka-7, panarajang ti tim Brasil katémbong hasilna. Ngaliwatan tajongan korner anu ditajong ku Neymar, bal tajonganana dihéden ku Thiago Silva nepikeun ka asupna ka gawang Kolombia. 1-0 pikeun Brasil.

Tatandang tim Brasil ngalawan tim Kolombia
Tatandang tim Brasil ngalawan tim Kolombia

Kagulan, tim Kolombia nyobaan males. Dina menit ka-11 Juan Cuadrado mibanda kasempetan pikeun ngagulkeun bal ka gawang Brasil. Hanjakal balna kalahka keuna ka Thiago Silva. Babak kahiji réngsé, euweuh deui gul anu nambahan.

Babak kaduana, tim Kolombia nyobaan nyerang ti heula. Hayangeun males gul tim Brasil. Dina menit ka-55, tajongan Fredy Guarin ampir-ampiran asup ka gawang. Kitu deui tajongan James Rodriguez, masih kénéh henteu jadi gul.

James Rodriguez anu dina tatandang saméméhna kacida alusna kalawan bisa nyitak dua gul ka gawang Uruguay, dina ieu tatandang mah kacida susah dina ngagulkeun bal. Tim Brasil mibanda strategi nalika diserang ku tim Kolombia pasti bakal ngahalangan waé James Rodriguez. Nalika James Rodriguez mawa bal, tilu atawa opat urang pamaén Brasil pasti ngepung ieu pamaén. Antukna kamampuhan James Rodriguez henteu bisa dikaluarkeun sakabéhna.

Saterusna, dina menit ka-69 tim Brasil meunang tajongan bébas. Ieu tajongan téh dicokot ku David Luiz. Tajonganana henteu bisa dihalangan ku pamaén Kolombia kaasup ku kiperna. Antukna jadi gul, 2-0 pikeun Brasil.

Reuwas kusabab katinggaleun dua gul, tim Kolombia langsung ngepung gawang tim Brasil. Tim Kolombia bisa nyitak gul ngaliwatan pinalti sanggeus Carlos Bacca anu kakara ngagantikeun Teo Guiterez dilabuhkeun dina kotak pinalti ku Julio Cesar. Tajongan pinalti anu dicokot ku James Rodriguez bisa dijadikeun gul. Gul robah jadi 2-1.

Nepikeun ka waktu tatandangna réngsé, gul henteu nambahan. Atuh, tim Brasil asup ka undakan Semifinal.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s