Tatandang Katujuh Undakan Kadua: Argéntina Ngalawan Swiss


Tim méngbal Argéntina kacida susah pikeun ngéléhkeun tim Swiss. Dimimitian ku maén anu biasa-biasa waé, pamaén Argéntina hésé pikeun narajang gawang tim Swiss kusabab pamaén Swiss kacida pisan disiplinna dina nahan panarajangna. Dina nahan panarajang ieu kadang kaleuleuwihi ku jalan deleka ka pamaén Argéntina. Antukna tim Argéntina henteu bisa meunang kasempetan pikeun ngabahayakeun gawang tim Swiss. Kasempetan anu datang téh kalahka sabalikna, pikeun tim Swiss. Dina menit ka-27 Granit Xhaka meunang kasempetan pikeun ngagulkeun bal ka gawang Argéntina. Untung waé bal téh néngtog kana suku Sergio Romero. Kasempetan saterusna datang ngaliwatan Josip Drmic, ngan sarua kénéh henteu bisa jadi gul.

Tatandang tim Argentina ngalawan tim Swiss
Tatandang tim Argentina ngalawan tim Swiss

Nincak ka babak kaduana, sanajan bisa ngawasa kana jalanna tatandang, Argéntina angger héséeun pikeun ngagulkeun bal ka gawang Swiss. Beuki lila mah panarajang Argéntina téh beuki katempo aya hasilna. Kasempetan pikeun ngagulkeun téh beuki gedé ngaliwatan pamaén hareupna, Gonzalo Higuain jeung Lionel Messi. Hanjakal gul téh henteu datang waé. Tim Swiss ogé sakali-kali mah mibanda kasempetan anu alus pikeun ngagulkeun bal ka gawang Argéntina.

Babak kadua ditutup bari euweuh gul anu bisa dijieun. Atuh tatandang téh diteruskeun kana babak tambahan. Dina ieu babak, pamaén Argéntina leuwih sumanget deui natajang gawang Swiss. Unggal panarajang téh neunggar cadas kusabab kiper Swiss kacida alusna dina ngajaga gawangna. Sigana mah moal aya gul anu bakal datang.

Untung pikeun tim Argéntina, saméméh waktu babak tambahan béak anu bakal ditungtungan ku babak adu pinalti, Angel Di Maria bisa ngagulkeun bal ka gawang Swiss. Ahirna mah gul téh datang ogé ngaliwatan Di Maria anu dimimitian ku panarajang Palacio anu ngoper bal ka Lionel Messi anu saterusna dioperkeun deui ka Angel Di Maria anu henteu dijagaan ku pamaén Swiss. 1-0 pikeun Argéntina.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s