Tatandang Kalima Undakan Kadua: Perancis Ngalawan Nigeria


Tim méngbal Perancis ahirna mah bisa ngéléhkeun tim méngbal Nigeria. Sanajan kitu, tim Perancis henteu bisa kitu waé ngéléhkeunana. Dibutuhkeun kasabaran pikeun ngéléhkeun Nigeria. Dareukeutna pamaén tukang Nigeria ditambah ku kiperna anu maénna alus, nyusahkeun pisan pikeun ngagulkeun bal.

Tatandang tim Perancis ngalawan tim Nigeria
Tatandang tim Perancis ngalawan tim Nigeria

Malahan dina babak kahijina mah, tim Nigeria heula anu bisa ngagulkeun téh. Dina menit ka-19, operan nyilang Ahmed Musa nojo ka Emmanuel Emenike anu langsung ngabuskeun bal ka gawang Perancis. Untung waé pikeun Perancis, gul ieu dibatalkeun ku wasit sanggeus Emmanuel Emenike dianggapna opsét ti heula. Sanggeus éta, dua tim silih serang. Ngan euweuh gul anu bisa dijieun.

Asup babak kaduana, dua tim masih kénéh susah pikeun ngagulkeun bal ka gawang musuhna séwang-séwangan. Ahirna mah gul anu ditutunggu téh datang ogé. Dina menit ka-79, nalika bal korner anu ditajong ku Mathieu Valbuena bisa ditepak ku kiper Vincent Enyeama, bal téh kalahka nyampeurkeun ka Paul Pogba. Teu nunggu waktu deui, bal téh diasupkeun ka gawang ku Paul Pogba. 1-0 pikeun Perancis.

Dina sababaraha menit panungtungan babak kadua, Perancis bisa nambahan gul ngaliwatan gul sorangan ti Joseph Yobo. Bal tajongan Mathieu Valbuena ka hareupeun gawang Nigeria kalahna keuna ka suku Joseph Yobo anu nyababkeun bal norolong ka gawangna sorangan.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s