Tatandang Kagenep Undakan Kadua: Jerman Ngalawan Aljazair


Sanajan meunang, tim méngbal Jérman kudu susah heula dina ngalawanan tim méngbal Aljazair. Malahan hayang meunang téh kudu ngaliwatan babak tambahan heula satutasna dina 90 menit waktu normal, taya anu bisa ngagulkeun.

Tatandang tim Jerman ngalawan tim Aljazair
Tatandang tim Jerman ngalawan tim Aljazair

Mitemeyan babak kahiji, Jérman bisa ngadalikeun bal di lapangan. Tapi anu mibanda kasempetan ngagulkeun ti heula mah tim Aljazair. Untung waé kiper Jérman, Manuel Neuer bisa nyegah bal asup ka gawangna. Ka dituna, dua tim silih serang ampir imbang. Dina menit ka-20, sabenerna mah Aljazair bisa ngagulkeun bal ti heula ka gawang Jérman. Tapi gul anu dijieun ku Faouzi Ghoulam dibatalkeun ku wasit kusabab hakim garis ngangkat bandéra ti heula tandana opsét. Ti dinya, sanajan silih serang terus-terusan, taya gul anu datang.

Nincak babak kadua, pamaén Jérman leuwih loba nyerang ka gawang Aljazair. Ngan hanjakal kiper Aljazair téh kacida alusna maénna. Sababaraha kali kasempetan anu alus, bisa digagalkeun ku ieu kiper. Serangan Jérman ngaliwatan tajongan Andre Schurrle, Toni Kroos, Philipp Lahm gagal waé. Sakali-kali pamaén Aljazair ngayakeun serangan balik. Nepikeun ka érép waktu normal, euweuh gul anu bisa dijieun ku dua tim.

Atuh tatandang téh diteruskeun kana babak tambahan. Kakara dina ieu babak, tim Jérman bisa ngagulkeun ka gawang Aljazair. Nincak menit ka-2 dina ieu babak, Andre Schurrle bisa ngagulkeun bal. Narima bal hasil operan ti Thomas Muller, ngagunakeun keuneung sukuna Schurrle najong bal ka jero gawang Aljazair. Nincak babak kadua dina babak tambahan ieu, Jérman bisa ngagulkeun deui sakali anu dibales ku hiji gul ku Aljazair. Dina menit ka-119 Mesut Ozil ngagulkeun bal anu dibales ku gul Hilal Soudani. Tatandang ditutup ku gul 2-1. Jérman asup ka undakan saterusna.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s