Tatandang Katilu Undakan Kadua: Walanda Ngalawan Méksiko


Ngalawan tim asal Éropah, Méksiko henteu sieun jeung geumpeur. Mimiti maén, Méksiko langsung nyieun panarajang ka gawang Walanda. Dina menit ka-5, ampir-ampiran gawang Walanda kagulan ku pamaén Méksiko Miguel Layun. Kitu deui dina menit ka-17, Hector Herrera anu najong bal hasil operan ti Oribe Peralta ampir nyieun gul.

Tatandang tim Walanda ngalawan tim Meksiko
Tatandang tim Walanda ngalawan tim Meksiko

Anu diserangna, tim méngbal Walanda ngandelkeun serangan balik ngaliwatan pamaén hareup jeung tengahna: Arjen Robben katut Robin van Persie. Hanjakal, gul anu dianti-anti henteu waé datang. Réngsé babak kahiji, gul angger henteu datang, imbang 0-0.

Dina babak kaduana, tim méngbal Méksiko langsung nyerang gawang Walanda. Ku diserang terus-terusan mah, gul téh ahirna datang ogé. Dina menit ka-48, pamaén hareup Méksiko anu rajin nyerang gawang Walanda, Goivani Dos Santos bisa ngagulkeun bal. Bal hasil tajongan Dos Santos ti tempat anu anggang henteu katéwak ku kiper Walanda.

Tinggaleun sagul, Walanda malikan nyerang hayang malikeun gul. Ngan hanjakal nepikeun ka waktu maén ampir béak, Walanda tacan bisa ngagulkeun. Tanda-tandana mah Walanda arék éléh ku Méksiko.

Usaha Walanda dina males gul, ahirnya hasil ogé. Dina menit ka-88, Wesley Sneijder bisa nyieun gul ka gawang Méksiko sanggeus narima operan bal ti Klass Jan Hunteelar. Bal operan éta téh bisa ditajong ka gawang Méksiko.

Dina menit panungtungan, pamaén hareup Walanda Robbin van Persie labuh dina jero kotak pinalti Méksiko kusabab diganggu ku Marquez. Jadi waé pinalti. Klass Jan Huntelaar anu najong pinaltina bisa ngasupkeun bal ka gawang Méksiko. 2-1 pikeun Walanda. Ieu gul henteu robah nepikeun ka érépna waktu maén.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s