Tatandang Kadua Undakan Kadua: Kolombia Ngalawan Uruguay


Balikna Luis Suarez gara-gara ngégél Giorgio Chiellini mangaruhan kana tatandangna tim méngbal Uruguay. Ngalawanan tim anu asalna sarua ti Amérika Kidul nyaéta Kolombia, tim Uruguay kadéséh. Ngaliwatan béntang anyarnya, James Rodriguez tim Kolombia bisa ngéléhkeun tim Uruguay dua gul.

Tatandang Kolombia ngalawan Uruguay
Tatandang Kolombia ngalawan Uruguay

Dina babak kahiji, tim Kolombia terus-terusan nyerang ka gawang Uruguay. Anu ahirna dina menit ka-28, James Rodriguez bisa ngagulkeun bal ka gawang Uruguay anu dikiperan ku Fernando Muslera. Meunang operan bal ti Abel Aguillar, James Rodriguez najong bal maké suku kénca nepikeun ka ngapung ka gawang Uruguay.

Tinggaleun sagul, Uruguay nyobaan males ngaliwatan pamaén hareupna, Edinson Cavani. Dina menit ka-33, bal tajongan Cavani nyimpang ka gigireun gawang tim Kolombia. Dina waktu sésana, dua tim silih serang. Hanjakal henteu aya deui gul anu bisa dijieun.

Asup babak kadua, Kolombia angger henteu kendat nyerang ka gawang Uruguay. Anu ahirna dina menit ka-50, Kolombia bisa nyieun deui gul ka gawang Uruguay. James Rodriguez ngagulkeun deui bal sanggeus narima operan Pablo Armero anu néngtog kana sirah Juan Cuadrado.

Tinggaleun dua gul, Uruguay ngaganti dua urang pamaénna pikeun ngarobah strategi maénna. Ngan hanjakal sanajan dina waktu anu nyésa terus-terusan nyerang ka gawang Kolombia, tim Uruguay henteu bisa nyieun gul. Nepikeun ka waktuna béak, gul angger meunang Kolombia 2-0.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s