Tatandang Kahiji Undakan Kadua: Brasil Ngalawan Chili


Tatandang munggaran anu dilumangsungkeun dina undakan kadua nepung lawungkeun tim méngbal Brasil reujeung Chili. Tatandang anu dilumangsungkeun di Estadio Governador Magalhaes Pinto ieu lumangsung kalawan campuh pisan. Salaku dua tim méngbal anu asalna sawewengkon, geus papada apal kana kamampuhanana séwang-séwangan.

Dina babak kahiji, tim méngbal Brasil bisa ngawasa kana bal anu dipaénkeun ngaliwatan béntangna, Neymar. Hanjakal susah pisan pikeun ngagulkeun balna. Kakara dina menit ka-18, tim Brasil bisa ngagulkeun. David Luiz anu narima bal tina hasil korner ti Neymar bisa ngasupkeun bal ka gawang Chili. Pikeun sawatara waktu mah pamaén Brasil bisa nyerang terus ka gawang Chili.

Hanjakal kangeunahan teuing nyerang, gawang sorangan henteu kapaliré. Akibatna nalika Alexis Sanchez narima operan bal ti Edu Vargas, ieu pamaén bisa ngagulkeun. Jadi waé imbang 1-1.

Tatandang Brasil ngalawan Chili
Tatandang Brasil ngalawan Chili

Dina babak kaduana, Brasil langsung ngawasa bal di lapangan. Nyerang gawang Chili sacara langsung. Teu anéh lamun loba kasempetan pikeun ngagulkeun, sanajan henteu asup waé kana gul Chili. Sabenerna mah dina menit 54, pamaén hareup Brasil Hulk bisa ngasupkeun bal ka gawang Chili, ngan dibatalkeun ku wasit kusabab saméméhna bal téh antel heula kana leungeunna.

Tim méngbal Chili lain henteu bisa ngalayanan panarajang Brasil. Da sakali-kali mah pamaén Chili bisa nyelang ogé pikeun nyerang ka gawang Brasil. Ngan hanjakal nepikeun ka waktu béak 90 menit, taya deui gul anu kapanggih. Hasilna, imbang 1-1.

Kusabab imbang, tatandang téh diteruskeun kana babak tambahan 2 x 15 menit. Dina waktu ieu, euweuh gul anu dijieun. Gulna angger imbang 1-1. Atuh tatandang téh ditungtungan ku adu pinalti.

Dina babak adu pinalti ieu, Brasil bisa ngéléhkeun Chili sanggeus bisa ngasupkeun bal tilu kali anu ngan ukur dibales dua gul ti pamaén Chili. Tilu urang pamaén Chili nyaéta Mauricio Pinilla, Alexis Sanchez jeung Gonzalo Jara gagal ngasupkeun bal ka gawang Brasil. Sedengkeun ti tim Brasil ngan ukur duaan anu gagalna: Willian jeung Hulk.

 
 

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s