16 Tim Asup Undakan Kadua, Pasalia Reujeung Sawangan


Sanggeus ngaliwatan 48 tatandang dina undakan kahiji babak puncer Piala Dunia 2014, ahirna mah mucunghul 16 tim anu asup kana undakan saterusna. 16 tim ieu mangrupakeun jawara kahiji jeung kadua unggal grup tina dalapan grup. Nilik kana unggal tim anu asup ieu reujeung anu nyicingan unggal grupna, katempo loba kajadian anu henteu disawang ti anggalna. Aya sababaraha tim méngbal anu henteu dijagokeun tapi bisa asup kana undakan saterusna, sedengkeun tim méngbal anu jadi pinunjul kalahka kaéléhkeun.

Gul Kosta Rika ka gawang Itali
Gul Kosta Rika ka gawang Itali

Tim méngbal kayaning Chili, Kolombia, Kosta Rika, Amérika bisa asup ka undakan kadua kalawan ngéléhkeun tim méngbal Spanyol, Yunani, Inggeris, Itali, katut Portugal. Hal ieu di luar sawangan ti anggalna. Salaku jawara Piala Dunia 2010, tim méngbal Spanyol dijagokeun pisan pikeun asup kana undakan kadua. Hanjakal buktina mah tim méngbal Spanyol bisa diéléhkeun ku tim méngbal Walanda jeung Chili. Dina tatandang anu munggaran, Spanyol bisa diéléhkeun ku tim anu diéléhkeun dina Piala Dunia 2010. Spanyol diéléhkeun ku Walanda kalawan jumlah gul anu lain lumayan, 5-1. Satutasna diéléhkeun ku Walanda, dina tatandang kaduana, Spanyol diéléhkeun deui ku tim méngbal Chili ku dua gul bari henteu bisa males. Sanajan dina tatandang katiluna bisa meunang 3-0 ngalawan tim Ostrali, Spanyol angger henteu bisa asup kana undakan kadua kusabab ngan ukur bisa jadi jawara katilu dina Grup B.

Pon kitu deui reujeung tim méngbal Inggeris jeung Itali anu dijagokeun pikeun asup kana undakan kadua, duanana henteu kaéléhkeun ku tim Kosta Rika jeung Uruguay. Kosta Rika anu disapirakeun dibandingkeun reujeung tim méngbal séjénna di Grup D, bisa jadi jawara kahiji. Tim méngbal Kosta Rika bisa ngéléhkeun tim méngbal Uruguay kalawan gulna 3-1, terus ngéléhkeun Itali 1-0 reujeung imbang ngalawan Inggeris. Uruguay bisa nyusul Kosta Rika sanggeus bisa ngéléhkeun tim méngbal Inggeris jeung Itali.

Di Grup G, Amérika bisa ngadéséh Portugal pikeun asup kana undakan kadua sanajan di ahirna kaduana mibanda niléy anu sarua. Portugal henteu bisa asup kana undakan kadua kusabab kaéléhkeun jumlah gul ku Amérika. Di Grup séjénna henteu pati robah tina sawangan ti anggalna, utamana anu jadi jawara kahiji unggal grupna.

No Tim Mengbal Maen Meunang Imbang Eleh Gul Niley
Grup A
1 Brasil 3 2 1 0 7 – 2 7
2 Meksiko 3 2 1 0 4 – 1 7
3 Kroasia 3 1 0 2 6 – 4 3
4 Kamerun 3 0 0 3 1 – 9 0
Grup B
1 Walanda 3 3 0 0 10 – 3 9
2 Chili 3 2 0 1 5 – 3 6
3 Spanyol 3 1 0 2 4 – 7 3
4 Ostrali 3 0 0 3 3 – 9 0
Grup C
1 Kolombia 3 3 1 0 9 – 2 9
2 Yunani 3 1 1 1 2 – 4 4
3 Pantai Gading 3 1 0 2 4 – 5 3
4 Jepang 3 0 1 2 2 – 6 1
Grup D
1 Kosta Rika 3 2 1 0 4 – 1 7
2 Uruguay 3 2 0 1 4 – 4 6
3 Itali 3 1 0 2 2 – 3 3
4 Inggeris 3 0 1 2 2 – 4 1
Grup E
1 Perancis 3 2 1 0 8 – 2 7
2 Swiss 3 2 0 1 7 – 6 6
3 Ekuador 3 1 1 1 3 – 3 4
4 Honduras 3 0 0 3 1 – 8 0
Grup F
1 Argentina 3 3 0 0 6 – 3 9
2 Nigeria 3 1 1 1 3 – 3 4
3 Bosnia Herzegovina 3 1 0 2 4 – 4 3
4 Iran 3 0 1 2 1 – 4 1
Grup G
1 Jerman 3 2 1 0 7 – 2 7
2 Amerika 3 1 1 1 4 – 4 4
3 Portugal 3 1 1 1 4 – 7 4
4 Ghana 3 0 1 2 4 – 6 1
Grup H
1 Belgia 3 3 0 0 4 – 1 9
2 Aljazair 3 1 1 1 6 – 5 4
3 Rusia 3 0 2 1 2 – 3 2
4 Korea Kidul 3 0 1 2 3 – 6 1

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s