Nyetorkeun Daptar Pamaén nu Ngiluan Piala Dunia Brasil 2014


Undakan puncer Piala Dunia 2014 di nagri Brasil kari sababaraha poé deui. Unggal pamilon geus tatan-tatan sasayagaan pikeun nyanghareupanana. Salasahiji anu disayagakeun téh nyaéta daptar pamaén anu baris diilukeun ka nagri Brasil. Nurutkeun aturanana, unggal pamilon dibéré hancengan pikeun ngilukeun pamaén anu jumlahna 23. Tina 23 urang pamaén ieu, anu tilu urangna mangrupakeun kiper. Daptar pamaén anu 23 urang ieu paling elat dikirimkeun ka FIFA salaku anu nangtayungan kana Piala Dunia 2014 di Brasil dina ping 2 Juni, atawa sapuluh poé kana mitemeyanana Piala Dunia 2014 anu bakal dilumangsungkeun di nagri Brasil.

Simbul Piala Dunia 2014 Brasil

Unggal nagara pamilon ngaliwatan anu ngalatihna, geus nangtukeun 23 urang pamaén anu bakal dibawa ka nagri Brasil. Sanajan pamaén anu aralus leuwih ti 23 urang, unggal anu ngalatih kudu nangtukeun pilihanana. Teu anéh lamun aya sababaraha urang pamaén bal anu kaasup alus, henteu diilukeun ka Brasil. Pilihan pikeun nangtukeun pamaén aya dina kakawasaanana anu ngalatih.

Sanajan geus ditangtungkeun ngaran-ngaranna anu 23 urang, unggal pamilon bisa ngaganti pamaén anu geus didaptarkeun ku pamaén cadangan paling elatna 24 jam saacan tatandang anu munggaran. Hal ieu diayakeun pikeun ngungkulan kaayaan bisi dina waktuna arék tatandang, aya pamaén anu cilaka nepikeun ka henteu bisa maén.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s