Mikawanoh Pamilon Piala Dunia 2014 (9): Kosta Rika


Ngaguar méngbal nagri Kosta Rika, sabenerna mah nagri ieu geus kawentar di jaman béh ditu mula. Di wewengkon padaratan Amerika Tengah, méngbal Kosta Rika lumayan alus. Dina taun 1960-an, anu bisa ngéléhkeunana téh paling ogé nagri Méksiko. Dina undakan kualipikasi Piala Dunia 1958, 1962 jeung 1966 di wewengkon CONCACAF, Kosta Rika henteu bisa asup Piala Dunia kusabab kaéléhkeun ku Méksiko.

Hanjakal dina taun 70-an nepikeun ka taun 80-an, kapinunjulan méngbal Kosta Rika henteu katempo. Préstasina kaéléhkeun ku nagri tatanggana kayaning Guatemala, Honduras, El Salvador, Haiti, Trinidad & Tobago katut Kanada. Dina taun-taun ieu, Kosta Rika henteu ngiluan kana Piala Dunia.

Kakara nalika Piala Dunia 1990, Kosta Rika asup kana babak puncer Piala Dunia di Itali. Asup Piala Dunia pikeun munggaran, Kosta Rika bisa asup kana undakan 16 tim sanggeus lolos tina undakan kahiji kalawan bisa ngéléhkeun nagri Skotlandia jeung Swédia. Sanajan bisa asup Piala Dunia 1990, dina Piala Dunia saterusna, Kosta Rika henteu bisa asup Piala Dunia 1994 jeung 1998.

Piala Dunia 2002 anu dilumangsungkeun di Koréa/Jepang, Kosta Rika kakara bisa ngiluan deui. Ngan hanjakal ngan ukur bisa nepikeun ka undakan kahiji sanggeus éléh ku Brasil jeung imbang ngalawan Turki. Sanajan bisa ngéléhkeun Cina, Kosta Rika éléh itung-itungan gul reujeung Turki.

Dina Piala Dunia 2006, Kosta Rika ogé bisa asup Piala Dunia. Ngan dina tilu kali tatandang dina undakan kahiji, Kosta Rika éléh waé. Ngalawan Jérman, éléh kalawan gulna 2 – 4; ngalawan Ekuador 0 – 3, katut éléh 1 – 2 ngalawan Polandia.

Piala Dunia 2010, Kosta Rika henteu asup Piala Dunia.

Tim mengbal nagri Kosta Rika
Tim mengbal nagri Kosta Rika

Data ngeunaan Méngbal Kosta Rika

Logo FCF
Logo FCF
Organisasi Federación Costarricense de Fútbol
Ngadeg 1921
Konfederasi CONCACAF
Ngiluan CONCACAF
Ngiluan FIFA 1927
Nu Ngalatih Jorge Luis Pinto
Kapten Tim
Rengking FIFA
Saragam Beureum – Beureum
Sesebutan Los Ticos
Pangalaman Piala Dunia
1930 Teu ngiluan
1934 Teu ngiluan
1938 Teu ngiluan
1950 Teu ngiluan
1954 Teu ngiluan
1958 Teu asup
1962 Teu asup
1966 Teu asup
1970 Teu asup
1974 Teu asup
1978 Teu asup
1982 Teu asup
1986 Teu asup
1990 Undakan 16 tim
1994 Teu asup
1998 Teu asup
2002 Undakan Kahiji
2006 Undakan Kahiji
2010 Teu asup
Lalampahan ka Piala Dunia 2014
Babak Kualifikasi Wewengkon Amerika Kaler, Tengah jeung Karibia
Undakan Kaopat Jawara Kadua Undakan Kaopat
Panama – Kosta Rika 2 – 2
Amerika Serikat – Kosta Rika 1 – 0
Kosta Rika – Jamaika 2 – 0
Kosta Rika – Honduras 1 – 0
Meksiko – Kosta Rika 0 – 0
Kosta Rika – Panama 2 – 0
Kosta Rika – Amerika Serikat 3 – 1
Jamaika – Kosta Rika 1 – 1
Honduras – Kosta Rika 1 – 0
Kosta Rika – Meksiko 2 – 1

(Gambar meunang nginjeum ti internet)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s