Mikawanoh Pamilon Piala Dunia 2014 (6): Itali


Nagri Italia mangrupakeun salasahiji nagri anu kawilang alus dina widang méngbal. Ti béh ditu mula, tim méngbal Itali geus kakoncara lain ngan ukur di wewengkon Éropah wungkul, tapi di wewengkon dunya. Utamana nalika diayakeunana Piala Dunia kadua dina taun 1943. Piala Dunia harita anu dilumangsungkeun di nagri Itali, salaku nu boga hajat Itali bisa jadi jawarana. Nalika Piala Dunia katiluna anu dilumangsungkeun di nagri Perancis, Itali bisa jadi jawara deui pikeun kadua kalina. Nyongcolangna tim méngbal Itali ieu henteu leupas tina pangrojong pelatihna nyaéta Vitorio Pozzo katut kapten tim: Giuseppe Meazza. Hanjakal Itali henteu bisa meunangkeun Piala Dunia katilukalina terus-terusan kusabab Piala Dunia 1942 dibedokeun da wewengkon Éropah dilindih perang Dunia kadua.

Piala Dunia kakara bisa dilumangsungkeun deui dina taun 1950 anu dilumangsungkeun di nagri Brasil. Nyanghareupan Piala Dunia entragan kaopat éta, Tim méngbal Itali harita kawilang dipikagimir di wewengkon Éropah kusabab dieusi ku pamaén anu asalna ti tim Torino kalawan béntangna Valentino Mazzola. Hanjakal tim méngbal Torino ngalaman cilaka nalika tumpak kapal ngapung anu niwaskeun sakabéh pamaénna. Atuh, kakuatan méngbal Itali kacida géjlogna.

Ti harita tim méngbal Itali kacida nyirorotna. Malahan nalika Piala Dunia 1958 mah henteu bisa asup pisan kana undakan puncer Piala Dunia. Sanajan dina Piala Dunia saterusna tim Itali bisa asup, henteu bisa disebut nyongcolang. Kakara dina Piala Dunia 1970 tim Itali bisa nyangking jawara kadua sanggeus dina babak puncer diéléhkeun ku tim Brasil.

Kakara dina Piala Dunia 1982 anu dilumangsungkeun di nagri Spanyol tim Itali bisa jadi jawarana. Sanajan préstasi dina undakan handapna biasa-biasa waé, tim Itali bisa nyangking jawara kahiji dina tungtung Piala Dunia ieu sanggeus ngéléhkeun kadigjayaan tim Jérman Kulon.

Nalika Piala Dunia 1990 anu dilumangsungkeun di nagri sorangan, Itali gagal jadi jawarana. Dina undakan semifinal, Itali diéléhkeun ku nagri Argéntina kalawan béntangna Diego Maradona. Taun 1994 anu dilumangsungkeun di nagri Amerika, Itali gagal deui sanajan geus asup undakan final. Di undakan final Itali diéléhkeun ku nagri Brasil ngaliwatan adu pinalti.

Kakara nalika Piala Dunia 2006, Itali bisa nyangking jawara kahijina. Piala Dunia anu dilumangsungkeun di Jerman, Itali bisa ngéléhkeun nagri Perancis.

Tim mengbal nagri Itali
Tim mengbal nagri Itali

Data ngeunaan Méngbal Itali

Logo Itali
Logo Itali
Organisasi Federazione Italiana Giuoco Calcio (FIGC)
Ngadeg 1898
Konfederasi Eropah (UEFA)
Ngiluan UEFA
Ngiluan FIFA 1905
Nu Ngalatih Cesare Prandelli
Kapten Tim Gianluigi Buffon
Rengking FIFA
Saragam Biru – Bodas
Sesebutan Gli Azzurri
Pangalaman Piala Dunia
1930 Teu ngiluan
1934 Jawara 1
1938 Jawara 1
1950 Undakan Kahiji
1954 Undakan Kahiji
1958 Teu asup
1962 Undakan Kahiji
1966 Undakan Kahiji
1970 Jawara 2
1974 Undakan Kahiji
1978 Jawara 4
1982 Jawara 1
1986 Undakan Kadua
1990 Jawara 3
1994 Jawara 2
1998 Undakan Perempat Final
2002 Undakan Kadua
2006 Jawara 1
2010 Undakan Kahiji
Lalampahan ka Piala Dunia 2014
Babak Kualifikasi Wewengkon Eropah
Undakan Kahiji Jawara Kahiji Grup B
Bulgaria – Itali 2 – 2
Itali – Malta 2 – 0
Armenia – Itali 1 – 3
Itali – Denmark 3 – 1
Malta – Itali 0 – 2
Republik Ceko – Itali 0 – 0
Itali – Bulgaria 1 – 0
Itali – Republik Ceko 2 – 1
Denmark – Itali 2 – 2
Itali – Armenia 2 – 2

(Gambar meunang nginjeum ti internet)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s