Milangkala Sumedang ka-436 Dipapag ku Tabligh Akbar


Miéling Milangkala Sumedang ka-436
Miéling Milangkala Sumedang ka-436

Dina raraga ngeusi kagiatan miéling milangkala Sumedang anu ka-436, dilumangsungkeun sababaraha jinis kagiatan. Nurutkeun inpo anu diancokeun ku Indofakta Online dina ping 16 April mangkukna geus dilumangsungkeun kagiatan Tabligh Akbar anu tempatna di Masjid Agung Sumedang. Acara diluuhan ku sababaraha gegedén Sumedang saperti Bupati Sumedang H. Ade Irawan, ketua jeung anggahota DPRD, pajabat Muspika, Kajari Sumedang jeung anu séjénna katut toko agama jeung masarakat.

Dina ieu acara salian dieusi ku siraman rohani, ogé dijelaskeun ngeunaan acara anu baris dilumangsungkeun dina raraga miéling milangkala Sumedang ka-436 anu diantarana bakti sosial, paméran pangwangunan, sunnatan massal jeung nikah massal.

Tabligh Akbar di Masjid Agung Sumedang
Tabligh Akbar di Masjid Agung Sumedang

Masih kénéh nurutkeun inpo anu dipidangkeun ku Indofakta Online, dina ping 17 April dilumangsungkeun upacara miéling milangkala Sumedang ka-436 anu diayakeun di Alun-alun Sumedang. Satutasna éta Bupati Sumedang méré santunan ka barudak jawara Qori’ah jeung anak soléh undak Jawa Barat. Teu poho ogé, Bupati téh nanda tangan sababaraha poroyék pangwangunan anu bakal dilaksanakeun di Sumedang.

Saméméhna, Bupati katut rombongan ngayakeun ziarah ka makam pahlawan anu aya di Sumedang anu aya di Taman Makam Pahlawan Cimayor. Sedengkeun satutasna upacara, ngayakeun ziarah ka makam Almarhum Bupati H. Endang Sukandar. Diteruskeun ka Makam Gunung Puyuh.

Rombongan séjénna anu dipingpin ku Asistén Pemerintahan H. Sanusi Mawi ngayakeun ziarah ka Makam Prabu Geusan Ulun di Dayeuhluhur Kecamatan Ganéas. Sedengkeun Ketua DPRD Yaya Widarya mingpin ziarah ka Makam Pasaréan Gedé  Kelurahan Kota Kulon Sumedang Selatan. Anu ziarah ka komplék Makam Baturéok diiluan ku rombongan anu dipingpin Kajari Sumedang Dwi Harto.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s