Ngaderes Lutung Kasarung dina Tembang Cianjuran


Balé Rumawat Universitas Padjadjaran kalawan dirojong ku Bank BJB seja ngayakeun Pidangan Seni Budaya Rumawat Padjadjaran entragan ka 68. Kalawan dijejeran ‘Ngaderes Lutung Kasarung Dina Tembang Sunda Cianjuran’, ieu pidangan bakal mintonkeun lalakon Lutung Kasarung yasana Sayudi. Lalakon Lutung Kasarung ieu diancokeun ngaliwatan tembang Sunda Cianjuran anu digalindengkeun ku sababaraha urang juru tembang entragan anyar.

Ngaderes Lutung Kasarung dina Tembang Cianjuran
Ngaderes Lutung Kasarung dina Tembang Cianjuran

Pagelaran ieu baris dilumangsungkeun dina poe Kemis ping 20 Maret 2014 dina wanci pasosoré jam satengah opat. Ngeunaan tempatna dilumangsungkeun dina Aula Unpad Dipati Ukur. Atuh anu hayang nyakséni kana ieu pidangan bisa langsung ngadongdon ka ieu tempat dina waktuna. Henteu kudu mayar nanaon alias haratis.

Ngeunaan pidangan lalakon Lutung Kasarung dina wangunan Tembang Sunda Cianjuran sarua ieu téh cenah mah pernah kawentar dina taun 1980-an. Nurutkeun inpo anu dipedalkeun ku loka Agenda Unpad, pintonan carita Lutung Kasarung dina wangunan Tembang Sunda Cianjuran anu dikaluarkeun ku DASENTRA waktu harita mibanda gaya anu béda reujeung tembang Sunda Cianjuran umumna anu osok mintonkeun lagu wawaréhan. Ditambah deui ku juru tembangna anu geus karahot.

(Gambar meunang nginjeum ti @balerumawat)

One thought on “Ngaderes Lutung Kasarung dina Tembang Cianjuran

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s