Pasanggiri Mojang Jajaka Sumedang 2014 Mimiti Dibuka


Dina entragan 2014 ieu, sakumaha taun-taun saméméhna, Dibudparpora Sumedang kalawan gawé bareng jeung Paguyuban Mojang Jajaka Kabupatén Sumedang ngayakeun deui pasanggiri Mojang Jajaka Kabupatén Sumedang. Pikeun anu hayang miluan kana ieu pasanggiri, mimiti ping 17 Maret lolongkrang pikeun daptar geus dibuka. Aya tilu katagori mojang jeung jajaka anu bisa diiluan, nyaéta moka Alit, moka Rumaja jeung moka Déwasa. Ngeunaan sarat-sarat anu kudu ditedunan pikeun ngiluan kana ieu pasanggiri, henteu jauh tina pasanggiri taun-taun saméméhna.

Pasanggiri Mojang Jajaka Sumedang 2014
Pasanggiri Mojang Jajaka Sumedang 2014

Sababaraha sarat anu kudu ditedunan pikeun ngiluan pasanggiri Mojang Jajaka Kabupatén Sumedang 2014 nyaéta:

  • Mangrupakeun warga nagara Indonésia anu cicing atawa ngajrek di Sumedang anu dibuktikeun ku mibanda KTP Sumedang.
  • Lalaki atawa awéwé kalawan umurna antara 8 – 12 taun pikeun moka Alit, 15 – 17 taun pikeun moka Rumaja jeung 18 – 23 taun pikeun moka Déwasa.
  • Husus moka Déwasa kudu mibanda ukuran awak (jangkungna) sahanteuna 163 sénti pikeun wanoja jeung 170 sénti pikeun jajakana.
  • Mibanda kamampuhan pikeun ngawangkong (komunikasi) anu alus kalawan bisa ngagunakeun Basa Inggris reujeung Basa Sunda.
  • Calakan, miboga préstasi anu alus kalawan mibanda pangaweruh anu lega ambahanana hususna ngeunaan budaya jeung wisata di Jawa Barat umumna, Sumedang hususna.

Pikeun anu kataji jeung hayang ngiluan ieu pasanggiri bisa daptar kalawan ngeusian heula pormulir anu bisa diundeur di mandala maya ngaliwatan loka dropbox. Pormulirna dicitak terus dieusian salengkepna. Sayagakeun ogé dokumén anu jadi sarat pikeun ngiluan ieu pasanggiri kayaning CV pikeun moja Déwasa, salinan (poto kopi) Akte Kelahiran, salinan kartu idéntitas kayaning KTP/SIM/Kartu Pelajar pikeun moka Rumaja jeung Déwasa, salinan Kartu Kulawarga pikeun moka Déwasa, teu poho pas poto ukuran 4×6 tilu siki ditambah potrét diri sakabéh awak ukuran kartu pos dua siki kalawan rupa tukangna (background) bodas. Sakabéh sarat-sarat éta dihijikeun dina map warna beureum pikeun mojang, sedengkeun pikeun jajaka mah warnana bulao. Map ieu dikirimkeun ka Kantor Bidang Kebudayaan pada Dinas Kebudayaan, Pariwisata Pemuda dan Olahraga Kabupatén Sumedang, Jl. Prabu Geusan Ulun No. 36 Sumedang.

Pikeun inpo anu leuwih anteb bisa ngimeutan inpo ngaliwatan média sosial pésbuk jeung twitter di akun Mojang Jajaka Sumedang: @mokasumedang jeung Paguyuban Mojang Jajaka Sumedang.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s